កូរ៉េខាងត្បូង៖ កាលពីថ្មីៗនេះ តារាចម្រៀងប្រុស Mir អតីតសមាជិកក្រុម MBLAQ ដែលបច្ចុប្បន្នជា Youtuber ម្នាក់ ដោយលោកបានធ្វើការបង្ហោះនូវវីដេអូមួយ សម្ភាសន៍ប្អូនស្រីបង្កើតរបស់លោក គឺតារាសម្តែងស្រី Go Eun Ah ហើយក្នុងនោះផងដែរ នាងក៏បាននិយាយទម្លាយពីអតីតកាលរបស់នាង ដែលនាងធ្លាប់ត្រូវបានផលិតកម្មចាស់របស់នាងដាក់ទណ្ឌកម្ម ជាមួយនឹងដំបងវៃបាល់ Baseball។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង ក្នុងនោះ Go Eun Ah បានទម្លាយថា កាលនោះនាងមានអាយុត្រឹមតែ ១៧ឆ្នាំតែប៉ុណ្ណោះ ដែលនាងទើបតែចាប់ផ្តើមអាជីពសម្តែង ហើយក៏ស្រាប់តែមានរឿងអាស្រូវមិនសមរម្យមួយ ដែលថានាងមានទំនាក់ទំនងស៊ីជម្រៅ ជាមួយនឹងសិស្សច្បងម្នាក់។
បន្ទាប់នាងបានពន្យល់ទៀតថា នៅថ្ងៃមួយនាងបានទៅមើលកុនជាមួយនឹង ជាងធ្វើសក់ស្រីម្នាក់ ប៉ុន្តែស្រាប់តែខាងភ្នាក់ងារផលិតកម្មទទួលបានព័ត៌មានមិនពិត ថានាងទៅមើលកុនជាមួយនឹងបុរស ស្រាប់តែពួកគេបានបញ្ជូនអ្នកចាត់ការ ទៅចាប់នាងភ្លាមៗដល់ក្នុងរោងកុនតែម្តង។ ហើយក្រោយហេតុការណ៍បែបនេះ ជាងធ្វើសក់ស្រីរូបនោះក៏រត់បាត់ ទុកឲ្យនាងនៅប្រឈមមុខតែម្នាក់ឯង។
នាងបន្តទៀតថា៖
រឿងកាន់តែធំឡើង ខាងភ្នាក់ងារក៏បានហៅម្តាយរបស់ Go Eun Ah ទៅក្រុមហ៊ុន និងឲ្យគាត់លុតជង្គង់នៅក្នុងការិយាល័យនោះ ដោយសារតែនាងរឹងមិនព្រមយំ ឬក៏សុំទោស។ ហើយនាយកប្រតិបត្តិក្រុមហ៊ុននោះក៏បាននិយាយដៀលមើលងាយ នាងនិងម្តាយនាង និងប្រាប់ឲ្យនាងសម្រាកជារៀងរហូតផងដែរ។
បន្ទាប់ពីមានហេតុការណ៍នេះកើតឡើង ខាងភ្នាក់ងារក៏បានចាប់ផ្តើមតាមដាននាង ដោយពួកគេបានដាក់កាមេរ៉ាសុវត្ថិភាព នៅក្នុងផ្ទះល្វែងរបស់នាង ដើម្បីថតសកម្មភាពរបស់នាងជារៀងរាល់សប្តាហ៍ថែមទៀតផងដែរ។
ប៉ុន្តែទោះជាយ៉ាងណា មិនយូរប៉ុន្មាន Go Eun Ah ក៏បានចាកចេញពីផលិតកម្មនេះ ចូលទៅផលិតកម្មថ្មីមួយទៀត ហើយនាងបានលើកឡើងថា ផលិតកម្មថ្មីរបស់នាង ល្អជាងផលិតកម្មចាស់នេះឆ្ងាយណាស់៕