បរទេស៖ កាលពីពេលថ្មីៗកន្លងទៅនេះ ក្រុមអ្នកស្រាវជ្រាវបានបង្កើតព្រាបយន្តមួយដែលមានឈ្មោះថា PigeonBot ហើយស្លាបរបស់បក្សីយន្តមួយនេះត្រូវបានគេបំពាក់ស្លាបព្រាបពិតៗផ្ទាល់តែម្ដង។ ការដែលមានស្លាបដូចបក្សីមែនទែន បានជួយឲ្យបក្សីយន្តមួយនេះបត់បែននៅទីតំបន់ស៊ាំញ៉ាំ ដូចជាក្នុងទីក្រុងតូចចង្អៀតឬព្រៃជាដើម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមអ្នកស្រាវជ្រាវបានពន្លានិងបត់ស្លាបព្រាបដែលងាប់ ដើម្បីសិក្សាថាតើពួកបក្សីអាចគ្រប់គ្រងស្លាបរបស់ពួកវាបានយ៉ាងដូចម្ដេច។ បើផ្អែកតាមព័ត៌មានពី Science News បានឲ្យដឹងថា ការពិសោធន៍ជាច្រើនដងបានបង្ហាញថាមុំត្រង់សន្លាក់ស្លាបទាំងពីរមានឥទ្ធិពលធំបំផុតទៅលើការសម្របនៃការហោះហើរ។ ការតម្រង់ទិសនៃស្លាបទាំងនោះបានជួយបក្សីក្នុងការហោះហើរ និងជួយកំណត់រូបរាងស្លាបផងដែរ។ ក្រុមអ្នកវិទ្យាសាស្ត្របានប្រើប្រាស់ទម្រង់និងស្លាបព្រាបដែលងាប់ ដើម្បីបង្កើតជាទម្រង់ស្លាបថ្មីឡើងវិញនិងបំពាក់លើព្រាបយន្ត។
លោក David Lentink ដែលជាវិស្វករនិងជាជីវវិទូមួយរូបនៅសាកលវិទ្យាល័យស្ទែនហ្វដបាននិយាយថា អ្វីដែលពិតជាអស្ចារ្យសម្រាប់បក្សីយន្តមួយនេះគឺ… អ្នកអាចបញ្ជាស្លាបរបស់បក្សីយន្តមួយនេះ ហើយវាជាអ្វីដែលអ្នកមិនធ្លាប់បានធ្វើឬមិនអាចធ្វើវាជាមួយបក្សីពិត ដើម្បីសិក្សាពីការហោះហើរនោះទេ៕