កូរ៉េខាងត្បូង៖ នៅថ្ងៃទី១៦ ខែមករាម្សិលមិញ ក្រុមចម្រៀងនារីល្បីឈ្មោះ Red Velvet បានលុបចោលនូវការសម្តែងភ្លាមៗ នៅក្នុងព្រឹត្តិការណ៍ «Korean Singer Festival» ដោយសាតែបញ្ហាសុខភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នេះបើយោងតាមសេចក្តីប្រកាសជាផ្លូវការរបស់ក្រុម Red Velvet បានឲ្យដឹងថា ក្រុមចម្រៀងនារី Red Velvet បានប្រកាសលុបចោលភ្លាមៗ ដោយមិនអាចទៅសម្តែង នៅក្នុងកម្មវិធីមហោស្រព « Korean Singer Festival » បានឡើយ ដោយសារតែសមាជិក២រូបរបស់ក្រុមគឺតារាចម្រៀងស្រី Irene និង Yeri មានបញ្ហាសុខភាព គ្រុនផ្តាសាយធំ។
យ៉ាងណាមិញ ក្រោយពីឮដំណឹងនេះ អ្នកគាំទ្រជាច្រើននៅលើបណ្តាញអ៉ីនធើណែត ក៏បាននាំគ្នាបង្ហោះជូនពរដល់តារាស្រីទាំងពីរដួងនេះឲ្យឆាប់បានជាសះស្បើយ មានពេលសម្រាកឲ្យបានច្រើន និងជាពិសេសសង្ឃឹមថា Wendy នឹងឆាប់បានជាសះស្បើយពីរបួសដូចគ្នា ដែលនាងបានគ្រោះថ្នាក់បាក់ឆ្អឹង កាលពីអំឡុងពេលហាត់សមក្នុងកម្មវិធី «SBS Gayo Daejun» កាលពីមួយរយៈពេលមុននេះផងដែរ៕