កូរ៉េខាងត្បូង៖ នាពេលថ្មីៗនេះ តារាចម្រៀងទោលស្រី CL អតីតសមាជិកក្រុម 2NE1 បានធ្វើការបង្ហោះនូវរូបថតអំណោយមួយ នៅលើគណនីសង្គមអ៊ីនស្តាក្រាមផ្ទាល់ខ្លួនរបស់នាង ដែលទទួលបានការចាប់អារម្មណ៍មិនតិចទេ ពីសំណាក់អ្នកគាំទ្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នេះបើយោងតាមការបង្ហោះរបស់ CL បានឲ្យដឹងថា នាងទើបតែទទួលបានអំណោយពីកំពូលតារាចម្រៀងស្រីលំដាប់ពិភពលោក Beyonce ដែលនាងបានរើសដោយផ្ទាល់ដៃ ផ្ញើជូនដល់ CL ជាការរាប់អានគ្នា ដែលអ្នកទាំងពីរបានសហការថតម៉ូតជាមួយគ្នាឲ្យ Ivy Park x Adidas។
តួយ៉ាង បើតាមការសរសេរនៅលើStory របស់ CL នាងបានហៅ Beyonce ថា «បងស្រី» ថែមទៀតផង ដែលអាចបញ្ជាក់បានថា អ្នកទាំងពីរបានចាប់ផ្តើមមានទំនាក់ទំនងជិតស្និទ្ធនឹងគ្នា ចាប់តាំងពីថ្ងៃដំបូងដែលបានថតម៉ូតជាមួយគ្នាមកម៉្លេះ៕