រុស្ស៊ី៖ លោក Vitaly Zdorovetskiy ដែលជាកូនកាត់អាមេរិក-រុស្ស៊ីអាយុ២៧ឆ្នាំ និងជា YouTuber មួយរួប បានចែករំលែករូបភាពមួយចំនួននៅលើបណ្តាញសង្គម Instagram របស់គាត់ព្រមទាំងបានសរសេររៀបរាប់ថា “រយៈពេលប្រាំថ្ងៃ ដែលគាត់បានចំណាយពេលដេកក្នុងគុកនោះ វាពិតជាអាក្រក់បំផុត ហើយគាត់ក៏មិនចង់ឲ្យរឿងនេះ កើតមានឡើងចំពោះអ្នកណាម្នាក់ទៀតឡើយ” ។ ប៉ុន្តែបើទោះបីជាយ៉ាងណាក្តី គាត់បានប្រាប់ទៅអ្នកគាំទ្ររបស់គាត់ចំនួន ៣.១ លាននាក់ថា គាត់មិនសោកស្តាយទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គាត់បានសរសេរបន្ថែមទៀតថា៖
គ្មានពាក្យអ្វីដែលខ្ញុំអាចពន្យល់ ពីអ្វីដែលខ្ញុំទើបតែបានឆ្លងកាត់កាលពី ៥ ថ្ងៃមុននោះទេ។ ខ្ញុំធ្លាប់ជាប់ពន្ធនាគារច្រើនដងហើយ ប៉ុន្តែម្តងនេះវាពិតជាអាក្រក់បំផុត។ ខ្ញុំបានឃើញរឿងគួរឱ្យរន្ធត់ ហើយខ្ញុំមិនចង់អោយរឿងនេះកើតឡើងចំពោះអ្នកណាម្នាក់ដែរ។ ខ្ញុំបានធ្វើវាឡើងក្នុងន័យល្អទេ ហើយឆាប់ៗនេះខ្ញុំនឹងចែកចាយវីដេអូទាំងអស់ ដើម្បីឱ្យពិភពលោកទាំងមូលមើលឃើញ។
គួររម្លឹកផងដែរ រដ្ឋសភារបស់អេហ្ស៊ីបបានធ្វើច្បាប់មួយកាលពីខែវិច្ឆិកា ដែលក្នុងនោះបានកំណត់ថា ការឡើងទៅលើកំពូលពីរ៉ាមីតគឺជាការបំពានច្បាប់។
បើយើងតាមសារព័ត៌មាន Ahram Online បានឱ្យដឹងទៀតថា តុលាការរបស់ប្រទេសនេះបានសំរេចថា ប្រសិនបើមាននរណាហ៊ានឡើងទៅលើប្រាសាទបុរាណ គឺអាចនឹងប្រឈមមុខការជាប់ពន្ធធនាគារយ៉ាងហោចណាស់១ខែ ឬពិន័យជាប្រាក់ពី ៦៣០ ដល់៦០០០ ដុល្លារ៕
Bong I.T