ដូចឲ្យហេតុ! មុនស្លាប់មួយថ្ងៃ ស្វាមី ឡោម លក្ខិណា ផ្តាំផ្ញើបងប្អូន ឲ្យ...... (មានវីដេអូ)

ភ្នំពេញ៖ ជារឿងដ៏គួរឲ្យសោកស្តាយសម្រាប់តារាស្រី អ្នកនាងឡោម លក្ខិណា យ៉ាងខ្លាំង ក្រោយនាងបានបាត់បង់ស្វាមីជាទីស្រលាញ់ដែលស្រលាញ់រួមរស់ជាមួយគ្នាអស់ពេលជាង៦ឆ្នាំ បន្យល់ទុក្ខកូនប្រុសជាទីស្រលាញ់មួយរូបដែលមានវ័យទើបតែ១០ខែប៉ុណ្ណោះ។

ជាមួយនឹងដំណឹងមួយនេះបានធ្វើឲ្យមហាជនជាច្រើនពិតជា ក្តុកក្តួល និងអាណិតដល់កូននាងយ៉ាងខ្លាំង ដែលត្រូវកំព្រាឪពុកយ៉ាងដូច្នោះ ខណៈស្លាប់ដោយសារគ្រោះថ្នាក់ចរាចរណ៍ ឡានបុកស្លាប់ពេលបញ្ចូនទៅមន្ទីរពេទ្យ។ មិនត្រឹមតែប៉ុណ្ណោះនៅពេលនេះ គ្រួសារកំពុងតែរៀបចំពិធីបុណ្យធ្វើឡើង យ៉ាងក្តុកក្តួលជាទីបំផុត។

ទន្ទឹមនឹងថ្ងៃដ៏សែនសោកសៅនេះ តាមអបិយជំនឿ មុននឹងអ្នកណាម្នាក់បានស្លាប់ តែងតែឲ្យហេតុដល់ក្រុមគ្រួសាររបស់ខ្លួន​ ដោយឡែកសម្រាប់ស្វាមីរបស់នាងវិញ ត្រូវបានគ្រួសារចាប់អារម្មណ៍ថា មុនស្លាប់មួយថ្ងៃលោកបានធ្វើការខលសួរនាំ ទៅប្អូនស្រីដែលនៅក្រៅប្រទេស និយាយអស់ពេលជាច្រើនម៉ោង ខណៈពេលដែលអ្នកទាំង២មិនសូវជាបាននិយាយច្រើនដូចថ្ងៃនេះនោះទេ។

មិនត្រឹមតែប៉ុណ្ណោះ ស្វាមីរបស់នាងដែលបានស្លាប់នោះ ក៏បានធ្វើការផ្តាំផ្ញើទៅប្អូនស្រីរបស់ខ្លួន ឲ្យជួយមើលថែកូនប្រុសជាទីស្រលាញ់ដែលទើបតែមានវ័យ១០ខែរូបនេះផង ដោយស្តាប់ទៅពិតជាព្រឺសម្បុរតែម្តង ព្រោះមិននឹកស្មានថាលោកានឲ្យហេតុជាមួយនឹងពាក្យសម្តីផ្តាំផ្ញើទាំងស្រណោះបែបនេះ៕

សូមទស្សនាវីដេអូខាងក្រោមនេះ៖