កប់សេរ៊ី! ថ្ងៃនេះថ្ងៃកំណើតJennie ប្លីងអន្តរជាតិនាំគ្នាបញ្ជូនកាដូសុទ្ធតែប៊្រេនៗ យកទៅដាក់គរពេញមុខអគារYG!

កូរ៉េខាងត្បូង៖ នៅថ្ងៃទី១៦ ខែមករានេះ គឺជាថ្ងៃកំណើតគម្រប់ខួបឈានចូលវ័យ ២៤ឆ្នាំ របស់តារាចម្រៀងស្រីស្រស់ស្អាតដ៏មានប្រជាប្រិយភាព Jennie សមាជិកក្រុម BLACKPINK ហើយក្នុងនោះផងដែរ យើងសង្កេតឃើញថា មានបណ្តាអ្នកគាំទ្ររាប់លាននាក់ទូទាំងពិភពលោក បាននាំគ្នាបង្ហោះសារអបអរថ្ងៃកំណើតដល់ Jennie ជាមួយនឹង Hashtag ពាក្យថា «#AngelJennieDay» ផងដែរ។

មិនត្រឹមតែប៉ុណ្ណោះ នៅក្នុងឆ្នាំនេះ ក៏មិនខុសពីឆ្នាំមុនៗផងដែរ ដែលបណ្តាអ្នកគាំទ្រអន្តរជាតិជាច្រើន បាននាំគ្នាផ្ញើជាកាដូប៊្រេនៗដ៏មានតម្លៃ ទៅកាន់Jennie ក្នុងឱកាសអបអរថ្ងៃកំណើតរបស់នាង។

ជាក់ស្តែង កាលីព្រឹកមិញនេះ យើងចាប់អារម្មណ៍ឃើញថា មានប្លីងអន្តរជាតិមួយចំនួន បាននាំគ្នាផ្ញើជាកាដូប៊្រេនណែមជាច្រើន ដូចជា Chanel Gucci LV និងរបស់ថ្លៃជាច្រើនផ្សេងទៀត យកទៅដាក់គរនៅមុខអគារនៃផលិតកម្ម YG Entertainment ដើម្បីឲ្យខាងបុគ្គលិកក៏ដូចជាក្រុមការងារ ដឹកជញ្ជូនកាដូទាំងនេះ ទៅកាន់ Jennie ដើម្បីជាការអបអរថ្ងៃកំណើតវ័យ២៤ឆ្នាំរបស់នាងផងដែរ៕

អបអរថ្ងៃកំណើតផងណា Jendeuk!!!