អ៊ីតាលី៖ នៅក្នុងការប្រកួតវគ្គ ១៦ក្រុមពានរង្វាន់ Coppa Italia កាលពីយប់មិញ ម្ចាស់ផ្ទះសេះបង្កង់ Juventus បានយកឈ្នះក្រុមភ្ញៀវ Udinese ក្នុងលទ្ធផល ៤ទល់នឹង០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងវគ្គទី១ Juventus នាំមុខមុន២គ្រាប់ ដោយគ្រាប់ទី១រកបានដោយការសម្រេចទីរបស់ Higuain នៅនាទីទី១៦ បន្ទាប់ពីលេងបាល់ មួយ-ពីរជាមួយនឹងមិត្តរួមក្រុម Dybala។ ចំណែកឯមួយគ្រាប់ទៀតរកបានដោយការទាត់បាល់ពិន័យ១១ម៉ែត្ររបស់ម្ចាស់អាវលេខ១០ Paulo Dybala នៅនាទីទី២៨។
ចូលដល់វគ្គទី២នាទីទី៥៨ Dybala បានបន្ថែមការនាំមុខមួយគ្រាប់ទៀតស៊ុតជើងឆ្វេងកោងចូលទីយ៉ាងល្អ មុន Douglas Costa ទាត់បាល់ពិន័យ១១ម៉ែត្រនាទីទី៦៤។ ចប់ការប្រកួត៩០នាទី Juventus យកឈ្នះ Udinese ៤-0។
គួរឲ្យដឹងដែរថា នៅក្នុងការប្រកួតកាលពីយប់មិញកំពូលខ្សែប្រយុទ្ធ Cristiano Ronaldo មិនបានបង្ហាញវត្តមាននោះទេ សូម្បីតែឈ្មោះកីឡាករបម្រុង ដោយសារតែបញ្ហារបួស៕
ចង់ឃើញថា ៤គ្រាប់របស់ Juventus សម្រេចទីយ៉ាងណាខ្លះនោះ ទៅទស្សនាវីដេអូខាងក្រោមទាំងអស់គ្នា៖