អាមេរិក៖ បើនិយាយពីការដាក់ឈ្មោះឲ្យយានធ្វើដំណើរនៅលើភពអង្គារ Mars 2020 អង្គការណាសាប្រាកដជាបើកចំហជាសាធារណៈ។ កាលពីថ្ងៃចន្ទកន្លងទៅនេះ អង្គការណាសាបានប្រកាសបញ្ជីឈ្មោះបេក្ខជនដែលអាចបន្តទៅដល់វគ្គពាក់កណ្ដាលផ្ដាច់ព្រ័ត្រ ដែលឱកាសនេះបើកសម្រាប់ក្មេងៗអាមេរិកចាប់ពីថ្នាក់មត្តេយ្យរហូតដល់ថ្នាក់ទី១២។ ចៅក្រមស្ម័គ្រចិត្តបានជម្រុះអត្ថបទតែងសេចក្ដីចំនួន២៨,០០០ ហើយបានជ្រើសតែចំនួន១៥៥តែប៉ុណ្ណោះ ដែលអាចធ្វើដំណើរទៅកាន់វគ្គពាក់កណ្ដាលផ្ដាច់ព្រ័ត្រ។ គណៈកម្មការនឹងធ្វើការជម្រុះបន្ត ដើម្បីជ្រើសរើសបេក្ខជនចំនួន១១នាក់ប៉ុណ្ណោះ ដែលអាចឈានជើងប្រកួតបន្តនៅវគ្គផ្ដាច់ព្រ័ត្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចុងក្រោយ ឈ្មោះដែលទទួលបានការបោះឆ្នោតច្រើនជាងគេនឹងត្រូវបានជ្រើសរើស ហើយអង្គការណាសានឹងប្រកាសឈ្មោះអ្នកដែលទទួលបានជ័យលាភីក្នុងការដាក់ឈ្មោះឲ្យយាន Mars 2020 នៅក្នុងខែមីនា។ គួរបញ្ជាក់ផងដែរថា យាននេះគ្រោងនឹងចាកចេញពីផែនដីនៅខែកក្កដា ហើយនឹងទៅដល់ភពព្រះអង្គារនៅដើមឆ្នាំ២០២១។ បើតាមសម្ដីលោក Lori Glaze ដែលជានាយកខាងផ្នែកវិទ្យាសាស្ត្រភពរបស់អង្គការណាសាបានឲ្យដឹងថា ការប្រកួតប្រជែងមួយនេះបានលើកទឹកចិត្តឲ្យក្មេងៗជំនាន់ក្រោយចូលរួមលើអាជីពការងារក្នុងវិស័យ STEM។ ហើយឈ្មោះដែលបានជ្រើសរើសនឹងជួយកំណត់បុគ្គលិកលក្ខណៈពិសេសរបស់យានមួយនេះ នៅក្នុងចំណោមយានអវកាសធ្វើដំណើរលើភពអង្គារដទៃទៀត៕