បរទេស៖ មនុស្សអាចដកដង្ហើមបានដោយសារអុកស៊ីសែន ដែលជាឧស្ម័នគ្របដណ្ដប់ចំនួន ២១% នៃទ្រនាប់បរិយាកាសផែនដី ខណៈដែល ៧៨% ផ្សេងទៀត គឺជាអាសូត។ បើទោះបីអុកស៊ីសែនមិនមែនជាឧស្ម័នដែលមានច្រើននៅក្នុងបរិយាកាសក៏ដោយ តែអុកស៊ីសែនពិតជាមានសារសំខាន់បំផុតសំរាប់ជីវិត។ បើគ្មានអុកស៊ីសែន មនុស្ស សត្វ រុក្ខជាតិ ទឹក ក៏មិនមានវត្តមានលើផែនដីនេះដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសាកស្រមៃមើលប្រសិនបើផែនដីត្រូវបាត់បង់អុកស៊ីសែន មិនមែនរហូតទេគឺត្រឹមតែរយៈពេល ៥ វិនាទីប៉ុណ្ណោះ ។ ជាការពិតណាស់ រយៈ៥ វិនាទី គឺអ្នកប្រាកដជាអាចទប់ដង្ហើមបាន ព្រោះជាធម្មតាមនុស្សយើងអាចទប់ដង្ហើមបានយ៉ាងហោចណាស់ ៣០ វិនាទី។ ចុះចំណែកអ្វីៗផ្សេងទៀត តើវានឹងស្ថិតនៅដូចមុនទេ ?
ត្រឹមតែ ៥ វិនាទី ផែនដីទាំងមូលនឹងផ្លាស់ប្តូរទាំងស្រុង ។ បើគ្មានអុកស៊ីសែន សំណង់អគារ រួមទាំងរចនាសម្ព័ន្ធទាំងអស់ដែលធ្វើពីស៊ីម៉ង់ដ៍ ឬលោហៈធាតុ នឹងបាក់ដួលរលំភ្លាមៗ ព្រោះអុកស៊ីសែនដើរតួជាភ្នាក់ងារពិសេសសំរាប់ជាចំណងភ្ជាប់របស់ស៊ីម៉ង់ដ៍។ បើគ្មានវាទេ ស៊ីម៉ង់ដ៍គ្រាន់តែជាធូលីប៉ុណ្ណោះ។ ចំណែកឯលោហធាតុវិញក៏មិនខុសគ្នាដែរ វានឹងរមួលចូលគ្នា ប្រសិនបើគ្មានអុកស៊ីសែន។
ប្រសិនបើផែនដីត្រូវបាត់បង់អុកស៊ីសែន ស្របពេលដែលអ្នកកំពុងស្ថិតនៅឆ្នេរសមុទ្រនោះ អ្នកនឹងត្រូវរងការរលាកស្បែកយ៉ាងធ្ងន់ធ្ងរដោយកម្តៅព្រះអាទិត្យ ។ ស្រទាប់អូហ្សូនការពារយើងពីកាំរស្មីយូវីរបស់ព្រះអាទិត្យ ដែលវាត្រូវបានផលិតដោយអាតូមអុកស៊ីសែន។ ដូច្នេះប្រសិនបើគ្មានអុកស៊ីសែន វាក៏គ្មានស្រទាប់អូហ្សូនដែរ ហើយផែនដីនឹងកាន់តែក្តៅខ្លាំងឡើងៗ។
លើសពីនេះទៀត ប្រសិនបើគ្មានអុកស៊ីសែន គឺថាក្រដាសត្រចៀករបស់យើងនឹងផ្ទុះ។ អវត្តមានអុកស៊ីសែន គីមានមានន័យថា បាត់បង់សម្ពាធខ្យល់ ២១ ភាគរយ។
បើគ្មានអុកស៊ីសែន ដំណើរការចំហេះនៅក្នុងយានយន្តក៏មិនអាចប្រព្រឹត្តទៅបានដែរ។ មានន័យថា គ្រប់មធ្យោបាយធ្វើដំណើរទាំងអស់ លើកលែងតែយានយន្តអគ្គិសនី នឹងត្រូវរលត់ភ្លាម។ យន្តហោះនឹងធ្លាក់ពីលើមេឃចុះមកក្រោម ហើយឡានរាប់សិបលានគ្រឿងនឹងត្រូវរលត់នៅនឹងមួយកន្លែង។
ផ្ទៃមេឃនឹងងងឹតទាំងស្រុង ពីព្រោះពន្លឺដែលជះពីព្រះអាទិត្យមកកាន់ផែនដីត្រូវការធ្វើប្រតិកម្មជាមួយភាគល្អិតជាច្រើននៅក្នុងស្រទាប់ខ្យល់អាកាសរបស់ផែនដី។ ហេតុដូច្នេះហើយពេលគ្មានអុកស៊ីសែន នោះវានឹងគ្មានអ្វីធ្វើប្រតិកម្ម ដែលបានន័យថា ពន្លឺមិនអាចឆ្លងកាត់មកដល់ផែនដីនោះទេ។
នៅទីបញ្ចាប់ ស្រទាប់ផែនដីនឹងបែកជាបំបែកតូចៗ ។ មូលហេតុគឺ ដោយសារតែស្រទាប់របស់ផែនដី ត្រូវបានបង្កើតឡើង ដោយអុកស៊ីសែន ៤៥ ភាគរយ។ ស្រទាប់ផែនដីនឹងបន្តប្រេះៗរហូតទាល់តែគ្មានអ្វីសេសសល់ ហើយពេលនោះ មនុស្សលោកនឹងធ្លាក់ចុះទៅក្រោមដូចធ្លាក់នរកអីចឹង។ យ៉ាងណាមិញ រឿងទាំងនេះវាមិនអាចកើតឡើងនោះទេ វាគ្រាន់តែការវិភាគស្រាវជ្រាវរបស់អ្នកវិទ្យាសាស្ដ្រថាតើនឹងមានអ្វីកើតឡើងប្រសិនបើគ្មានអុកស៊ីសែនតែប៉ុណ្ណោះ៕