បរទេស៖ ផលប៉ះពាល់នៃការឡើងកំដៅផែនដី កំពុងតែកើតមានកាន់តែខ្លាំងឡើងនៅក្នុងជីវិតរស់នៅរបស់យើង។ សូម្បីតែភ្លើងឆេះព្រៃនៅអូស្ត្រាលីក៏ជាសូចនាករមួយក្នុងចំណោមសូចនាករ ដែលបានចូលរួមចំណែកនៃការឡើងកម្តៅរបស់ភពផែនដីដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមការស្រាវជ្រាវចុងក្រោយបានឱ្យដឹងថា ពិភពលោកបានប្រឈមនឹងបញ្ហាទឹកសមុទ្រឡើងកម្តៅបំផុតក្នុងប្រវត្តិសាស្ត្រគឺនៅឆ្នាំ ២០១៩។ តាមពិតលទ្ធផលស្រដៀងគ្នានេះ ការឡើងកម្តៅទឹកសមុទ្រធ្លាប់កើតមាននៅឆ្នាំ ២០១៨ និង ២០១៧។ ដូចច្នេះយើងអាចនិយាយបានម្យ៉ាងទៀតថា ផលប៉ះពាល់នៃការឡើងកម្តៅផែនដីគឺកាន់តែអាក្រក់ទៅៗជារៀងរាល់ឆ្នាំ។
មហាសមុទ្របានស្រូបយកកំដៅរហូតដល់ ៩៣ ភាគរយនៃកំដៅដែលកើតឡើងដោយឧស្ម័នផ្ទះកញ្ចក់ ដែលមូលហេតុនេះហើយ ទើបបណ្តាលឱ្យសីតុណ្ហភាពទឹកក្នុងមហាសមុទ្រកើនឡើង។ ប៉ុន្តែប្រសិនបើមហាសមុទ្រមិនបានស្រូបយកកំដៅនោះទេ ផែនដីដែលយើងកំពុងរស់នៅនេះ នឹងស្ថិតក្នុងស្ថានភាពអាក្រក់ជាងសព្វថ្ងៃនេះទៅទៀត។
ការវាស់សីតុណ្ហភាពទឹកសមុទ្រគឺជាដំណើរការដ៏លំបាកបំផុត។ កាលពីមុន យើងមិនមានបច្ចេកវិទ្យាទំនើបដូចសព្វថ្ងៃនេះទេ។ តែឥឡូវនេះ អ្នកវិទ្យាសាស្ត្រកំពុងប្រើឧបករណ៍ Argo Floats ប្រមាណជា ៣០០០គ្រឿង ដែលគេដាក់ពង្រាយនៅក្នុងសមុទ្រកាលពីឆ្នាំ ២០០៧
ដែលឧបករណ៍ Argo Floats ថ្មីនេះ អាចវាស់សីតុណ្ហភាពទឹក
សមុទ្រភ្លាមៗ។
យោងតាមទិន្នន័យដែលទទួលបានពីឧបករណ៍ Argo Floats រយៈពេល ១០ ឆ្នាំនេះ គឺវាបានបង្ហាញឱ្យដឹងថា កម្តៅទឹកមហាសមុទ្រកំពុងតែកើនឡើងជារៀងរាល់ឆ្នាំ ហើយវាកើនឡើងខ្លាំងបំផុតចាប់ឆ្នាំ២០១៨និង២០១៩៕