ថៃ៖ ក្រុមបាល់ទាត់ជម្រើសជាតិថៃអាយុក្រោម២៣ឆ្នាំ បានកក់កៅអីឡើងទៅវគ្គ ៨ក្រុមចុងក្រោយព្រឹត្តិការណ៍ពានរង្វាន់ 2020 AFC U-23 Championship បន្ទាប់ពីស្មើគ្នាជាមួយក្រុមអ៊ីរ៉ាក់ ១ទល់នឹង១ កាលពីយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងការប្រកួតនោះមានការសម្រុកគ្នាខ្លាំង ព្រោះក្រុមនីមួយៗសុទ្ធតែត្រូវការពិន្ទុរៀងៗខ្លួនដើម្បីឡើងទៅវគ្គ៨ក្រុម។ ស្ថិតិនៃការប្រកួតបង្ហាញឲ្យឃើញថា ថៃមានឱកាសស៊ុត១៦លើក ខណៈអ៊ីរ៉ាក់មានឱកាសស៊ុត១៥លើក ប៉ុន្តែក្រុមទាំងពីរអាចទម្លុះសំណាញ់ទីគ្នាបានតែ២គ្រាប់ប៉ុណ្ណោះ។
ចាប់ផ្ដើមការប្រកួតបានត្រឹមតែ៦នាទី ក្រុមរបស់គ្រូបង្វឹកសញ្ជាតិជប៉ុនលោក Akira Nishino បានបើកការនាំមុខមុនដោយការស៊ុតបាល់ពិន័យ ១១ម៉ែត្ររបស់កីឡាករ Jaroensak Wonggorn ក្រោយលោកអាជ្ញាកណ្ដាលពិនិត្យ VAR ឃើញថាបាល់ប៉ះដៃរបស់កីឡាករអ៊ីរ៉ាក់។ ចំណែកឯ មួយគ្រាប់របស់ក្រុមមកពីអាស៊ីខាងលិចអ៊ីរ៉ាក់ រកបានដោយការស៊ុតរបស់កីឡាករ Mohammad Qasem នៅនាទីទី៤៩។
ក្រោយរកបាន ១ពិន្ទុពីការប្រកួតនោះ ថៃឈរនៅចំណាត់ថ្នាក់លេខ២ ក្នុងពូល A មាន៤ពិន្ទុ ៣ប្រកួត ឈ្នះ១ ស្មើ១ និងចាញ់១ ចាប់ដៃជាមួយគ្នាឡើងទៅវគ្គបន្តជាមួយអូស្រ្តាលីដែលឈរនៅលខ១ មាន៥ពិន្ទុ។ ចំណែកឯអ៊ីរ៉ាក់ ឈរនៅលេខ៣ មាន៣ពិន្ទុ ៣ប្រកួតស្មើទាំង៣ ខណៈប៉ារ៉ែន ឈរនៅបាតតារាងមានត្រឹមតែ២ពិន្ទុ៕
ចង់ឃើញថា ការប្រកួតរវាងថៃ និងអ៊ីរ៉ាក់សម្រុកគ្នាយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖