អាមេរិក៖ យោងរបាយការណ៍ដែលបានចេញផ្សាយដោយ​អង្គការណាសាបានឱ្យដឹងថា ​ផ្កាយព្រះគ្រោះមួយ​ដែលមានទំហំធំជាងប៉ម​នាឡិកា(Big Ben)ទីក្រុងឡុងដ៍ នឹង​​ធ្វើដំណើរមកជិតនឹង​ភពផែនដីរបស់យើងនៅក្នុងសប្តាហ៍នេះ។

ផ្កាយព្រះគ្រោះមួយ​នោះមានឈ្មោះថា 2009 BH2 ដែលនឹង​ចូលមកគៀក​នឹងផែនដីនៅថ្ងៃទី ១៨ ខែមករា វេលាម៉ោង​ ១៤ និង ២៩ នាទី (ម៉ោងសកល)។

​ផ្កាយព្រះគ្រោះទំហំ ធំជាងប៉ម​នាឡិកាទីក្រុង​ឡុងដ៍​​២ដង នឹងធ្វើដំណើរមកជិតផែនដីនៅថ្ងៃទី ១៨

​ផ្កាយព្រះគ្រោះនេះត្រូវបានគេប៉ាន់ស្មានថាវាមាន​អង្កត់ផ្ចិតប្រមាណ​ ៨៨ ម៉ែត្រ ដល់ ២០០ ម៉ែត្រ។ ចំពោះប្រវែងរបស់វានេះដែរ ត្រូវបានគេប៉ាន់ស្មានថាអាច​​វែងជាងប៉ម​នាឡិកាទីក្រុងឡុងដ៍របស់អង់គ្លេស (Big Ben) ទ្វេដង។

ផ្កាយព្រះគ្រោះនេះនឹង​ធ្វើដំណើរមកជិតភពផែនដីថ្ងៃសៅរ៍នៅចម្ងាយប្រមាណ​ជាង ៤លានគីឡូម៉ែត្រ ពីភពផែនដីរបស់យើង។ ​ចម្ងាយប៉ុណ្ណេះ​យើងអាចនិយាយបានថាវាឆ្ងាយខ្លាំង ប៉ុន្តែ​អង្គការណាសាបានចាត់ទុកវាជាវត្ថុដែលធ្វើដំណើរចូលមកជិតផែនដី។

​ផ្កាយព្រះគ្រោះទំហំ ធំជាងប៉ម​នាឡិកាទីក្រុង​ឡុងដ៍​​២ដង នឹងធ្វើដំណើរមកជិតផែនដីនៅថ្ងៃទី ១៨

2009 BH2 មិនមែនជា​ផ្កាយព្រះគ្រោះតែមួយ​ ដែលបោះពួយមកជិតភពផែនដីរបស់យើងនៅថ្ងៃសៅរ៍នោះទេ ​តែក៏មានផ្កាយព្រះគ្រោះតូចជាងនេះបន្តិច​មកជាមួយគ្នាដែរ ហើយ​វានឹងមកដល់នៅថ្ងៃទី ១៨ ខែមករា វេលាម៉ោងប្រហែល ១២ និង ៣០ នាទី (ម៉ោងសកល) ។ ​វាមានឈ្មោះថា 2020 AH1 ហើយមានអង្កត់ផ្ចិតប្រមាណ ៣៣ ម៉ែត្រ ដល់ ៧៥ ម៉ែត្រ។

​ផ្កាយព្រះគ្រោះទំហំ ធំជាងប៉ម​នាឡិកាទីក្រុង​ឡុងដ៍​​២ដង នឹងធ្វើដំណើរមកជិតផែនដីនៅថ្ងៃទី ១៨

​ឱកាសនៃ​ផ្កាយព្រះគ្រោះ ដែលអាចហោះមកបុកនឹងផែនដីគឺមានតិចណាស់។ តែបើទោះយ៉ាងណាក៏ដោយ ក៏អង្គការណាសាមិនបានផ្តល់របាយការណ៍​ឱ្យច្បាស់លាស់ ទាក់ទងនឹងឱកាសនៃ​ផ្កាយព្រះដែលអាចហោះមក​បុកនឹងផែដី
នាពេលអនាគតខាងមុខនោះដែរ។

​ផ្កាយព្រះគ្រោះទំហំ ធំជាងប៉ម​នាឡិកាទីក្រុង​ឡុងដ៍​​២ដង នឹងធ្វើដំណើរមកជិតផែនដីនៅថ្ងៃទី ១៨

អង្គការណាសាបានរកឃើញផ្កាយព្រះគ្រោះប្រមាណ ៣០ ​ក្នុងមួយសប្តាហ៍។ ហើយនៅដើមឆ្នាំ ២០១៩ បានរកឃើញ​សរុបជាង ១៩ ០០០ ។ ​ប៉ុន្តែទីភ្នាក់ងារអវកាសបានព្រមានថា NEO (ឧបករណ៍តាមដានវត្ថុដែលធ្វើដំណើរខិតមកជិតផែនដី) របស់អង្គការណាសា មិនទាន់អាច​ធ្វើការពេញលេញបាននោះទេ។ ដូច្នេះវាមានន័យថា យើងមិនអាច​ទាយទុកជាមុននៃវត្តមាន​ផ្កាយព្រះគ្រោះតម្រង់មកបុកនឹងផែនដី ថាអាចនឹងកើតមានឡើងនៅពេល​ណានោះទេ៕

វីដេអូ
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]