បារាំង៖ ក្លិបយក្សបារាំង Paris Saint-Germain បានធ្វើការប្រកាសជាផ្លូវការនៅលើគណនី Twitter របស់ខ្លួនកាលពីថ្ងៃច័ន្ទម្សិលមិញថា ខ្សែការពារសញ្ជាតិប្រេស៊ីលកីឡាករ Marquinhos បានចុះកុងត្រាបន្តកិច្ចសន្យាថ្មីរហូតដល់ឆ្នាំ២០២៤។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជម្រើសជាតិប្រេស៊ីលវ័យ២៥ឆ្នាំរូបនេះ ជាកីឡាករសំខាន់១រូបក្នុងក្រុម PSG ចាប់តាំងពីផ្ទេរពីក្លិប Roma ក្នុងឆ្នាំ២០១៣មក ហើយបច្ចុប្បន្ននេះ គាត់មានតួនាទីជាអនុប្រធានក្រុមផងដែរ។
????✍
— Paris Saint-Germain (@PSG_inside) January 13, 2020
Une belle histoire qui se prolonge entre @marquinhos_m5 et le @PSG_inside ????
❤???? #Marquinhos2024 pic.twitter.com/eU8V4EmrEC
Marquinhos បាននិយាយពីអារម្មណ៍របស់ខ្លួន ជុំវិញការបន្តកុងត្រាថ្មីថា៖
"ខ្ញុំពិតជារីករាយនិងមានមោទកភាពដែលបានចុះកុងត្រាថ្មី។ វាជាទំនួលខុសត្រូវខ្ពស់មួយដែលលេងនៅទីនេះ ហើយខ្ញុំពិតជាមានមោទកភាពដែលបានពាក់អាវមួយនេះ។ វាជារដូវកាលទី៧ហើយដែលខ្ញុំនៅប៉ារីស ខ្ញុំស្គាល់ក្លិបនេះច្បាស់ ខ្ញុំដឹងពីមហិច្ឆតារបស់ក្លិបមួយនេះច្បាស់ណាស់។"
មិត្តរួមក្រុមរបស់ Neymar រូបនេះបានបន្តទៀតថា៖
"ពួកយើងមានបទពិសោធន៍ច្រើននៅទីនេះ ហើយខ្លះជារឿងអស្ចារ្យ។ ជារឿងដែលធ្វើឲ្យខ្ញុំរីកចម្រើននិងធ្វើឲ្យក្លិបរីកចម្រើនដូចគ្នា។ វាជាពេលវេលាល្អសម្រាប់ខ្ញុំដែលបានបន្តកុងត្រាជាមួយ Paris Saint-Germain។"
???????? 5 ans de plus avec les couleurs du notre PSG. Un rêve qui ce concrétise de jour en jour! Merci à ma famille, merci PSG et merci aux supporters pour la confiance, on continue l’aventure ensemble... Je t’aime PARIS ❤️???? pic.twitter.com/GhOnpGcyWF
— Marcos Aoás Corrêa (@marquinhos_m5) January 13, 2020
គួរឲ្យដឹងដែរថា រយៈពេល៧ឆ្នាំនៅ PSG កីឡាករ Marquinhos បង្ហាញខ្លួនបាន២៧១ប្រកួត ស៊ុតបញ្ចូលទីបាន២០គ្រាប់ និងបញ្ជូនបាល់ឲ្យមិត្តរួមក្រុមសម្រេចទីបាន៧ដង ក្នុងនាមជាខ្សែការពារកណ្ដាល៕
ប្រភព៖ bleacherreport
Bong I.T