សេអ៊ូល៖ ក្រុមហ៊ុនដឹកអ្នកដំណើរអាមេរិក Uber Technologies Inc (UBER.N) និងក្រុមហ៊ុនផលិតរថយន្តហ៊ីយ៉ាន់ដាយកូរ៉េខាងត្បូង (005380.KS) បាននិងកំពុងសហការគ្នា ​បង្កើតតាក់ស៊ីលើអាកាសដែលដំណើរការដោយថាមពលអគ្គិសនី ​ដើម្បី​ជួល​សម្រួលដល់ការកកស្ទះនៅក្នុងទីក្រុង។

តាក់ស៊ីលើអាកាសដើរដោយថាមពលអគ្គីសនី

​តាក់ស៊ីអគ្គិសនីថ្មីនេះ ត្រូវបានដាក់បង្ហាញនៅឯពិព័រណ៍សន្និសីទបច្ចេកវិទ្យា CES ក្នុងរដ្ឋឡាសវេហ្គាស។ តាក់ស៊ីប្រភេទនេះ ត្រូវផលិតឡើងដោយមានការចូលរួមពីក្រុមហ៊ុន​​ហ៊ីយ៉ាន់
ដាយនិងក្រុមហ៊ុន Uber ។ វា​អាចដឹកអ្នកដំណើរបាន ៤នាក់ រួមជាមួយអ្នកបើក​បរ ហើយអាចហោះហើរបាន​ក្នុងចម្ងាយ ​១០០ គីឡូម៉ែត្រ ។

តាក់ស៊ីលើអាកាសដើរដោយថាមពលអគ្គីសនី

លោក Shin Jai-won ដែលជាប្រធានផ្នែក​មកក្រុមហ៊ុនហ៊ីយ៉ាន់ដាយបាននិយាយថា“ ​​សំរាប់តម្លៃក្នុងការធ្វើដំណើរតាមតាក់ស៊ីលើអាកាសនេះគឺមិនថ្លៃពេកនោះទេ ​ដូច្នេះហើយអ្នកដំណើរទាំងអស់ អាចរីករាយជាមួយការធ្វើដំណើរនៅលើតាក់ស៊ីនេះ” ។ ​

តាក់ស៊ីលើអាកាសដើរដោយថាមពលអគ្គីសនី

តាក់ស៊ីលើអាកាសនេះ នឹងត្រូវផលិតឡើងក្នុងទំហំតូចល្មម ហើយអ្វីដែលពិសេសនោះគឺវាដំណើរការដោយថាមពលអគ្គិសនី ដូច្នេះវានឹងចូលរួមកាត់បន្ថយការបំពុលបរិស្ថានមួយកម្រិត។ ក្រុមហ៊ុនហ៊ីយ៉ាន់ដាយ និងក្រុមហ៊ុន Uber ទៀតសោត គ្រោងនឹងដាក់ដំណើរការតាក់ស៊ីនេះនៅឆ្នាំ២០២៣៕

វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]