ថៃ៖ ក្មេងស្រីវ័យ២ឆ្នាំម្នាក់ មានស្នាមរបួសលើដងខ្លួនត្រូវបានប្រទះឃើញនៅពីមុខមណ្ឌលថែទាំកុមារមួយកន្លែងក្នុងខេត្ត Lopburi ប្រទេសថៃ។

លោកប៉ូលិស Thawatchai Nathaphan បានឲ្យដឹងថា កាលពីថ្ងៃទី១២ ខែមករា ឆ្នាំ២០២០ នាវេលាម៉ោង៣:៤៥នាទីរសៀល ស្ត្រីជាម្ដាយបានជិះម៉ូតូមកដល់មណ្ឌលថែទាំកុមារដោយពាក់មួកសុវត្ថិភាពជិតឈឹង ហើយប្រាប់កូនស្រីឲ្យចុចកណ្ដឹង។ នៅពេលដែលបុគ្គលិកបើកទ្វារ ក៏ប្រទះឃើញក្មេងស្រីកំពុងឈរកាន់ថង់អីវ៉ាន់ តុក្តតា និងក្រដាសមួយសន្លឹក ហើយចំណែកឯម្ដាយក៏ចេញបាត់ទៅ។

នៅក្នុងក្រដាស ស្ត្រីជាម្ដាយបានសរសេររៀបរាប់ថា នាងមិនអាចមើលថែទាំ ឬផ្ដល់អនាគតល្អទៅដល់កូនស្រីបានទេ។ សព្វថ្ងៃនេះ នាងមានគ្រួសារថ្មី ហើយប្ដីចុងបដិសេដមិនព្រមទទួលស្គាល់កូនស្រីបង្កើតនាងធ្វើជាកូនខ្លួនឡើយ។ នាងក៏បានសុំទោស និងបញ្ជាក់ដែរថា នាងចាំបាច់ត្រូវធ្វើបែបនេះពិតមែន។

យ៉ាងណាមិញ ជុំវិញរឿងរ៉ាវខាងលើនេះ ប៉ូលិសកំពុងធ្វើការស៊ើបអង្កេតស្វែងរកស្ត្រីជាម្ដាយ ហើយក្មេងស្រីនេះត្រូវបានបញ្ជូនទៅកាន់មន្ទីរពេទ្យដើម្បីព្យាបាលរបួសនៅលើដងខ្លួន៕

សូមទស្សនារូបភាពខាងក្រោម៖

ក្មេងស្រីនៅប៉ុស្ដិ៍ប៉ូលិស
ក្មេងស្រីនៅប៉ុស្ដិ៍ប៉ូលិស
ក្មេងស្រីនៅប៉ុស្ដិ៍ប៉ូលិស
ស្នាមរបួស
ស្នាមរបួស

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ