បើមិនប្រាប់ថា Koen Pataradanai ប្រាកដគិតថា ជាស្រីស្អាតផ្សេងហើយ!

ថៃ៖ Koen Pataradanai ជាតារាថៃវ័យក្មេងដែលមានភាពល្បីល្បាញក្នុងវិស័យសិល្បៈ មានមុខមាត់ស្រស់សង្ហា ដែលធ្វើឲ្យទទួលបានការគាំទ្រយ៉ាងច្រើនពីសំណាក់មហាជន។

ក្រឡេកមកមើលការតែងខ្លួនរបស់ Koen Pataradanai វិញ មិនថាការតុបតែងមុខមាត់ឬការស្លៀកពាក់ Koen Pataradanai តែងតែនាំមកនូវភាពស្រស់សង្ហា លេចធ្លោដែលអាចធ្វើឲ្យនារីៗជាច្រើនជាប់ចិត្តលង់ស្នេហ៍ផងដែរ។

ប៉ុន្តែកាលពីពេលថ្មីៗនេះ លោក Koen Pataradanai បានបង្ហាញនូវភាពភ្ញាក់ផ្អើលមួយដល់មហាជនក៏ដូចជាអ្នកគាំទ្រជាច្រើន ដោយលោកបានរៀបចំតុបតែងខ្លួនប្រាណយ៉ាងខ្លាំងមួយបែបទៀត ដែលក្នុងនោះគឺជាការតុបតែងមុខនៅក្នុងឈុត Drag Queen ដែលធ្វើឱ្យអ្នកតាមដាននៅលើបណ្ដាញសង្គម Instagram ផ្ទុះការភ្ញាក់ផ្អើលមកលើរួបលោក។

តាមរយៈការតុបតែងជា Drag Queen នេះ គឺដើម្បីផ្លាស់ប្ដូរមុខមាត់ ព្រមទាំងធ្វើឲ្យមានមនុស្សជាច្រើនមកពេញចិត្តនឹងភាពភ្ញាក់ផ្អើលរបស់លោក រួមទាំងការតុបតែងមុខដ៏អស្ចារ្យមួយនេះផងដែរ។

លើសពីនេះទៀត​ Koen Pataradanai ក៏បានរៀបរាប់ថា ខ្លួនលោក បានរកឃើញនូវជំហររបស់ខ្លួនឯងហើយ ដែលនៅថ្ងៃខ្លះ ចង់ក្លាយជាបុរសដែលមើលថែរក្សាមនុស្សនៅជុំវិញខ្លួន តែនៅថ្ងៃខ្លះទៀត ក៏មានអារម្មណ៍ថាចង់ក្លាយជានារី ដែលចង់ឲ្យមានមនុស្សមកមើលថែវិញម្ដង។ ប៉ុន្តែ ថ្ងៃនេះ លោកអាចធ្វើអ្វីដែលលោកចង់បាន លោកពិតជាពេញចិត្តនិងមានមោទនភាពណាស់ ដោយលោកចង់ក្លាយជា Drag Queen ឥឡូវក៏ក្លាយជា Drag Queen ពិតប្រាកដមែន៕

សូមទស្សនារូបភាពខាងក្រោម៖