ចិន៖ ត្រី Chinese paddlefish ឬ ត្រីដាវ ត្រូវបានប្រទេសចិនប្រកាសថា វាបានផុតពូជពីផែនដីទៅហើយ។ ត្រីដាវគឺជាប្រភេទត្រីទឹកសាបធំជាងគេបំផុតក្នុងលោក ដែលវាមានប្រវែងរហូតដល់ទៅ ៧ ម៉ែត្រ។ ត្រីនេះធ្លាប់ត្រូវបានគេប្រទះឃើញហែលទឹកម្ដងនៅតាមដងទន្លេយ៉ង់ស្សេ ហើយចាប់តាំងពីឆ្នាំ ២០០៣ មកគេមិនដែលបានប្រទះឃើញវាម្តងទៀតទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមការសិក្សាស្រាវជ្រាវដែលចុះផ្សាយក្នុងទស្សនាវដ្តីវិទ្យាសាស្ត្របរិស្ថាន Total Environment បានធ្វើការប៉ាន់ប្រមាណថា ត្រីដាវចុងក្រោយទំនងជាបានងាប់នៅចន្លោះឆ្នាំ២០០៥ និងឆ្នាំ២០១០។ លោក Wei Qiwei មកពីវិទ្យាស្ថានស្រាវជ្រាវជលផលទន្លេយ៉ង់ស្សេ បាននិយាយថា “ វាគឺជាការខាតបង់ដ៏ធំផុតនៅក្នុងប្រវត្តិសាស្ត្ររបស់ប្រទេសចិន ”។
ត្រីដាវ ត្រូវបានគេចាត់ទុកថាជាប្រភេទត្រីដែលស្ថិតនៅក្នុងហានិភ័យជិតផុតពូជក្នុងឆ្នាំ១៩៩៣ ដោយសារការនេសាទហួសកម្រិតនិងបែកខ្ញែកជម្រករបស់ពួកវា។
នៅឆ្នាំ១៩៨១ ទំនប់ Gezhouba ត្រូវបានសាងសង់នៅក្នុងទន្លេយ៉ង់ស្សេក្នុងខេត្តហ៊ូប៉ី ដែលបានធ្វើឱ្យប៉ះពាល់ដល់ហ្វូងត្រីជាច្រើន ហើយជាពិសេសទៀត ពួកវាក៏ត្រូវបាត់បង់ឱកាសក្នុងការបន្តពូជដែរ។
សម្រាប់ហេតុផលនេះហើយ ទើបបណ្តាលឱ្យប្រភេទត្រីដ៏កម្រមួយចំនួននៅក្នុងទន្លេយ៉ង់ស្សេត្រូវរងការប៉ះពាល់ដែលក្នុងនោះក៏រួមមាន ត្រី Chinese sturgeon និង ផ្សោត Baiji (Yangtze dolphin) ផងដែរ៕