អារ៉ាប៊ីសាអូឌីត៖ Real Madrid បានក្លាយជាជើងឯកពានរង្វាន់ Spanish Super Cup 2020 កាលពីយប់មិញ ក្រោយយកឈ្នះ Atletico Madrid ដោយបាល់កាត់សេចក្ដី ១១ម៉ែត្រលទ្ធផល ៤ទល់នឹង១ នៅក្នុងវគ្គផ្ដាច់ព្រ័ត្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ការស៊ុត ៣គ្រាប់របស់ Atletico Madrid ធ្វើបានសម្រេច១គ្រាប់ប៉ុណ្ណោះដោយកីឡាករ Trippier ខណៈ២គ្រាប់ទៀត Saul ទាត់ប៉ះបង្គោលទី ឯ Thomas ស៊ុតទៅត្រូវអ្នកចាំទី Real Madrid កីឡាករ Thibaut Courtois ចាប់បាន។ ចំណែកឯ Real Madrid វិញ ៤គ្រាប់ធ្វើបានសម្រេចទាំង៤គ្រាប់តែម្ដង។
ជុំវិញការចាប់បាល់របស់ Thomas អ្នកចាំទីជម្រើសជាតិប៊ែលហ្សិករូបនេះបានពន្យល់ថាខ្លួនបានរៀបចំខ្លួនជាស្រេចសម្រាប់វគ្គកាត់សេចក្ដីដោយបាល់ ១១ម៉ែត្រ ហើយគេក៏បានសិក្សាពីកីឡាកររបស់ At.Madrid ផងដែរ។
“ខ្ញុំបានសិក្សាពីពួកគេ។ Saul បានធ្វើឲ្យខ្ញុំភ្ញាក់ផ្អើលបន្តិច ប៉ុន្តែខ្ញុំបានដឹងពី Thomas ច្បាស់ហើយខ្ញុំបានសម្រេចចិត្តសង្រ្គោះបាល់នោះបានយ៉ាងល្អ។ ខ្ញុំពិតជាសប្បាយចិត្តដែលបានបិទមិនឲ្យដៃគូទាត់ចូលទីនិងអាចសង្រ្គោះបាល់បានយ៉ាងល្អ។ ពួកយើងពិតជាមានអារម្មណ៍ល្អសម្រាប់ព្រឹត្តិការណ៍មួយនេះ។”
ចង់ជ្រាបកាន់តែច្បាស់ថា Courtois សង្រ្គោះបាល់យ៉ាងណានោះ សូមទស្សនាវីដេអូខាងក្រោម៖
ប្រភព៖ Marca
Bong I.T