ភ្នំពេញ៖ ដូចប្រិយមិត្តមួយចំនួនបានជ្រាបច្បាស់មកហើយថា កាលពីថ្ងៃទី១០ ខែមករា ឆ្នាំ២០២០ កន្លងទៅនេះ មង្គលការរបស់កូនស្រីលោកឧកញ៉ា ទ្រី ភាព បានរៀបចំធ្វើឡើងយ៉ាងអធិកអធមនៅកោះពេជ្រ ដោយមានការឌីហ្សាញ និងដេគ័រយ៉ាងស្រស់ស្អាតមិនចាញ់នៅបរទេសប៉ុន្មាននោះឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយភ្ញៀវកិត្តិយសដែលបានអញ្ជើញចូលរួម និងអ្នកលេងបណ្តាញទំនាក់ទំនងសង្គមមួយចំនួនធំបានលាន់មាត់សរសើរមិនដាច់ថា ដូចនៅឋានសួគ៌ដូច្នោះដែរ។ ហើយក៏មានអ្នកចូលរួមមួយចំនួនធំទៀត ពិតជាចង់ដឹងណាស់ថា តើក្រុមហ៊ុនណាមួយដែលបានរៀបចំឌីហ្សាញយ៉ាងស្រស់ស្អាតបែបនេះក្នុងមង្គលការកូនស្រីរបស់លោកឧកញ៉ា ទ្រី ភាព មួយនេះ? ហើយពួកគេក៏មានបំណងចង់បានការតុបតែងដូច្នេះក្នុងពិធីមង្គលការរបស់ខ្លួនផងដែរ។
ពិតជាមិនខុសបំណងរបស់អតិថិជនឡើយ ដោយការដេគ័រដ៏ស្រស់ស្អាត និងប្រណីតពោរពេញទៅដោយភាពទាក់ទាញនេះ គឺបានមកពីការតុបតែងរៀបចំពីក្រុមហ៊ុន BLISS Wedding ដ៏ល្បីល្បាញមួយនៅក្នុងប្រទេសកម្ពុជាយើង។
តាមការឱ្យដឹងពីម្ចាស់ដេគ័ររបស់ក្រុមហ៊ុន BLISS Wedding គឺបានរចនាឡើងដោយគំនិតច្នៃប្រណីតរបស់ក្រុមការងារខ្លួនពិតៗ មិនចម្លងពីបរទេស ហើយក៏ស្រស់ស្អាតមិនចាញ់ការដេគ័រនៅក្រៅប្រទេសប៉ុន្មានដែរ មើលមួយភ្លែតច្រឡំស្មានតែនៅស្រុកគេ តាមពិតនៅក្នុងស្រុកខ្មែរយើងសោះ៕
ហ្វេសប៊ុក៖ BLISS Wedding
តោះចង់ដឹងថា ការឌីហ្សាញ និងដេគ័រច្នៃប្រណីតពីក្រុមហ៊ុន BLISS Wedding ក្នុងពិធីមង្គលការកូនស្រីលោកឧកញ៉ា ទ្រី ភាព មានភាពស្រស់ស្អាតខ្លាំងប៉ុណ្ណានោះយើងមកតាមដានទស្សនារូបភាពដូចខាងក្រោមនេះទាំងអស់គ្នា៖