បរទេស៖ តារាវិទូបានវាស់អត្រាពង្រីកខ្លួននៃសកលលោក ដោយប្រើកែវយឹតអវកាសហុបប៊ល (Hubble) របស់អង្គការណាសា និងជាមួយបច្ចេកទេសទាំងអស់ដែលធ្លាប់ត្រូវបានគេប្រើកាលពីមុនផងដែរ។ វាគឺជារឿងមួយសំខាន់ខ្លាំងណាស់ ក្នុងការស្វែងយល់ពីការពង្រីកខ្លួននៃចក្កវាឡ ដើម្បីឲ្យដឹងកាន់តែច្បាស់ពីអាយុ ទំហំ និងការប្រែប្រួលរបស់វា។ លទ្ធផលដែលបានរកឃើញអាចជួយបញ្ជាក់ពីអត្រានៃការពង្រីកខ្លួនរបស់ចក្កវាឡ ដែលត្រូវបានគេគណនានិងការវាស់វែងតំបន់មួយចំនួនក្នុងសកល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនតែប៉ុណ្ណោះ គេបានប្រើវិធីសាស្ត្រមួយចំនួនទៀតដូចជា ការប៉ាន់ស្មានអត្រានៃការីកដុះដាលនៃចក្កវាឡ តាមរយៈពន្លឺដែលបានបញ្ចេញនិងធ្វើដំណើរអស់រយៈពេលរាប់ពាន់លានឆ្នាំតាំងពីកំណើតចក្កវាឡ មុនពេលកាឡាក់ស៊ីនិងផ្កាយមួយចំនួនកើតទៅទៀត។ ចំនួនតម្លៃដែលអាចតំណាងឲ្យការគណនានិងវាស់វែងដោយប្រើវិធីសាស្ត្រមើលតាមរយៈទំនាញគឺមិនទាន់ច្បាស់លាស់នៅឡើយទេ។ ក្នុងវិធីសាស្ត្រមួយនេះ គេបានសិក្សាពីទំនាញនៃកាឡាក់ស៊ីនៃផ្នែកខាងមុខដែលធ្វើឲ្យពន្លឺមានភាពភ្លឺនិងធំខ្លាំង ប៉ុន្តែអង្គនៅពីខាងក្រោយវាមានពន្លឺខ្សោយ។
លោក Sherry Suyu ដែលជាអ្នកដឹកនាំការស្រាវជ្រាវបាននិយាយថា បើសិនជាលទ្ធផលដែលរកឃើញមិនត្រូវបានយល់ស្រប នោះវាជាតម្រុយមួយបង្ហាញថា ពួកយើងនៅមិនទាន់យល់ច្បាស់ពីរូបធាតុនិងកម្លាំងដែលវិវឌ្ឍន៍តាមពេលវេលានៅឡើយទេ ជាពិសេសនៅក្នុងដំណាក់កាលនៃការកកើតចក្កវាឡដំបូង។ ចំណែកលោក Kenneth Wong ដែលជាកូនក្រុមបាននិយាយថា បើសិនជាពេលវេលាពន្យាកាន់តែខ្លី ចក្កវាឡនឹងធ្វើការពង្រីកខ្លួនក្នុងអត្រាខ្ពស់ ប៉ុន្តែបើសិនជាពេលវេលាវែង អត្រាពង្រីកខ្លួនមានកម្រិតយឺត៕