អង់គ្លេស៖ ក្រោមក្រសែភ្នែកអ្នកគាំទ្រជាង ៤ម៉ឺននាក់កាលពីយប់មិញនៅកីឡដ្ឋាន Villa Park ក្រុមម្ចាស់ផ្ទះ Aston Villa ត្រូវបានក្រុមភ្ញៀវ Manchester City យកឈ្នះយ៉ាងទក់សាច់ដោយលទ្ធផល ១ទល់នឹង៦។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស៦គ្រាប់របស់ Manchester City ធ្វើបានសម្រេចដោយខ្សែប្រយុទ្ធជួរមុខ Sergio Aguero ៣គ្រាប់ (Hat-Trick), Riyad Mahrez ២គ្រាប់ និង Gabriel Jesus ១គ្រាប់។ ខណៈ ១គ្រាប់របស់ Aston Villa រកបានដោយការទាត់បាល់ពិន័យប៉េណាល់ទីរបស់កីឡាករ Anwar El Ghazi នៅក្នុងម៉ោងបន្ថែមវគ្គទី២។
ក្រុមរបស់លោក Pep Guardiola បានបើកការវាយលុកនៅក្នុងការប្រកួតនោះយ៉ាងខ្លាំង ដោយគ្រប់គ្រងបាល់ដល់ទៅ ៦៧% និងមានឱកាសស៊ុត ១៩លើក ចំណែកឯក្រុមម្ចាស់ផ្ទះ Aston Villa អាចស៊ុតបានត្រឹមតែ ៤លើកប៉ុណ្ណោះ។
ក្រោយឈ្នះកាលពីយប់មិញ ជើងឯករដូវកាលមុន Manchester City បានរំកិលខ្លួនមកឈរនៅចំណាត់ថ្នាក់លេខ២វិញក្នុងតារាងចំណាត់ថ្នាក់ក្របខណ្ឌ Premier League ក្រោយ Leicester City ចាញ់ Southampton កាលពីយប់ថ្ងៃសៅរ៍។
បច្ចុប្បន្ន Man City មាន៤៧ពិន្ទុ លេង២២ប្រកួត ឈ្នះ១៥ ស្មើ២ និងចាញ់៥ តាមពីក្រោយក្រុមកំពូលតារាង Liverpool ដែលលេងមិនដែលចាញ់ និងមានដល់ទៅ៦១ពិន្ទុ ព្រមទាំងនៅសល់មួយប្រកួតនៅក្នុងដៃផងដែរ៕
ចង់ឃើញថា Man City យប់មិញធ្វើព្យុះភ្លៀងយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖