កំហុសមិនគួរកើតសោះ! អ្នកចាំទី Napoli សាងកំហុសធំមួយនៅក្នុងការប្រកួតយប់មិញ (មានវីដេអូ)

អ៊ីតាលី៖ Napoli បានត្រឹមខកចិត្តនៅចុងម៉ោង បន្ទាប់ពីត្រូវក្រុមម្ចាស់ផ្ទះ Lazio ស៊ុតយកឈ្នះ ១ទល់នឹង០ នៅចុងម៉ោង ក្រសោបបាន៣ពិន្ទុពីការប្រកួតក្របខណ្ឌលីគកំពូលអ៊ីតាលី Serie A កាលពីយប់មិញ។

គ្រាប់បាល់មួយគ្រាប់នោះកើតឡើងនៅនាទីទី៨២ បន្ទាប់ពីអ្នកចាំទីរបស់ Napoli កីឡាករ David Ospina បង្កើតកំហុសដោយមិនព្រមផ្ដាច់បាល់ចេញរហូតដល់ត្រូវខ្សែប្រយុទ្ធរបស់ Lazio កីឡាករ Ciro Immobile ឆក់បាល់បាន និងទាត់បញ្ចូលទីតែម្ដង។ កំឡុងពេលនោះមានកីឡាករខ្សែការពាររបស់ Napoli មួយរូបព្យាយាមទៅទាត់បាល់ចេញដែរ ប៉ុន្តែមិនចេញនោះទេ បែរទៅជាចូលទៅវិញ។

ក្រោមការដឹកនាំរបស់គ្រូបង្វឹកថ្មីលោក Gennaro Gattuso បច្ចុប្បន្ន Napoli កំពុងឈរនៅចំណាត់ថ្នាក់លេខ៩នៅក្របខណ្ឌ Serie A ចំណែកឯ Lazio ឈរនៅចំណាត់ថ្នាក់លេខ៣ ខណៈ Inter Milan ឈរនៅកំពូលតារាង៕

ចង់ឃើញថា អ្នកចាំទីរបស់ Napoli កីឡាករ David Ospina បង្កើតកំហុសយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖