ចិន៖ អ្នកណាមិនស្គាល់ តារាសម្ដែងចិនដ៏ល្បី Yang Mi ដែលថ្មីៗនេះមានមតិយោបល់អវិជ្ជមានជាច្រើននៅលើបណ្តាញសង្គមនិយាយទាក់ទងពីនាង។ ហើយកាលពីពេលថ្មីៗនេះដែរ នាងទើបតែបានថតផ្សាយពាណិជ្ជកម្មរបស់ម៉ាកស្បែកជើងមួយ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម៉ាកយីហោស្បែកជើងនេះ ក៏ទើបតែបញ្ចេញវីដេអូខ្លីមួយ ដែលនៅក្នុងនោះ Yang Mi បានស្លៀកពាក់ស្ទាយបែបក្មេង និងមើលទៅមានភាពស្វាហាប់ តែទោះជាយ៉ាងណាក៏ដោយ មុខមាត់របស់នាង ក៏បានក្លាយទៅជាប្រធានបទនៃការវែកញែក។
យ៉ាងណាមិញ វាពិតជាមានភាពងាយស្រួលក្នុងការមើលចំណាំថា Yang Mi គឺមានភាពខុសគ្នាបន្តិចបន្តួចពីរូបភាពមុនៗ។ ប៉ុន្តែមានមនុស្សជាច្រើនយល់ឃើញថាមុខរបស់នាងមិនសូវមានលក្ខណៈធម្មជាតិទេ សូម្បីតែរន្ធភ្នែកក៏មានលក្ខណៈខូងជ្រៅដែរ ហើយអ្នកខ្លះទៀតបាននិយាយថា Yang Mi មានស្នាមជ្រីវជ្រួញនៅជ្រុងភ្នែករបស់នាងផងដែរ។
លើសពីនេះទៅទៀត អ្នកនិយមលេងអ៊ីនធឺណេតមួយចំនួនបានបញ្ចេញមតិថា មុខមាត់ផ្សាយពាណិជ្ជកម្មថ្មីរបស់ Yang Mi គឺមានលក្ខណៈរឹងៗដូចជារូបសំណាក ។ ប៉ុន្តែទោះជាយ៉ាងណា ក៏នៅមានអ្នកគាំទ្រមួយចំនួន ក៏បានការពារ Yang Mi ដោយបាននិយាយថា មុខរបស់នាងផ្លាស់ប្តូរបែបនេះ គឺដោយសារតែការតុបតែងមុខ បានធ្វើឱ្យនាងមើលទៅលែងងមានលក្ខណៈបែបធម្មជាតិ ៕
តើប្រិយមិត្តយល់ឃើញយ៉ាងណាដែរ ?
ចង់ជ្រាបច្បាស់ សូមទស្សនារូបភាពខាងក្រោម៖