អង់គ្លេស៖ មេឃខៀវ Manchester City ត្រូវបានគេរាយការណ៍មកថាបានចាប់អារម្មណ៍ជាខ្លាំងក្នុងការនាំយកប្រធានក្រុមរបស់ Aston Villa កីឡាករ Jack Grealish។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ ២៤ឆ្នាំដែលនៅសល់កុងត្រា៣ឆ្នាំទៀតនៅកីឡដ្ឋាន Villa Park រកបាន ៨គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបានសម្រេច ៦ដងពីការបង្ហាញខ្លួនឲ្យ Aston Villa ចំនួន២២ប្រកួតនៅរដូវកាលនេះ។
ក្លិប Aston Villa ទំនងជាលំបាករក្សាទុក Jack Greahlish ឲ្យឆ្លងដល់ទៅទីផ្សារដោះដូរកីឡាកររដូវក្ដៅលើកក្រោយណាស់ ខណៈពេលដែល Manchester United និង Tottenham Hotspur កំពុងតែតាមអន្ទងកីឡាកររូបនេះជាខ្លាំង។
យោងតាមការចុះផ្សាយរបស់សារព័ត៌មាន Metro ក្លិបជើងឯក Premier League រដូវកាលមុនក៏ដាក់ការចង់បានមកលើកីឡាករសញ្ជាតិអង់គ្លេសរូបនេះដូចគ្នា បន្ទាប់ពីលោក Pep Guardiola បានកត់សម្គាល់គេតាំងពី Aston Villa ប្រកួតជាមួយ Man City កាលពីខែតុលា ឆ្នាំមុន។
គួរឲ្យដឹងដែរថា ខ្សែបម្រើប្រយុទ្ធមានទីកន្លែងកំណើតនៅទីក្រុង Birmingham រូបនេះរកបានឲ្យ Aston Villa ចំនួន ២៣គ្រាប់ ពីការបង្ហាញខ្លួនសរុប ១៦៨ប្រកួតគ្រប់ព្រឹត្តិការណ៍ទាំងអស់៕
ប្រភព៖ SportsMole