អាមេរិក៖ ប្រិយមិត្តមួយចំនួនប្រាកដជាបានស្គាល់រួចមកហើយពី Zayn ដែលលោកគឺជាតារាល្បីល្បាញម្នាក់ ដែលគ្រប់គ្នាបានស្គាល់លោក តាមរយៈ ការច្រៀង និង ជាតារាបង្ហាញម៉ូត ។ មានហ្វេនជាច្រើននាក់ណាស់ ដែលចូលចិត្តពីទេពកោសល្យរបស់ Zayn តាំងពីលោកចូលសិល្បៈដំបូងរហូតដល់ពេលបច្ចុប្បន្ននេះ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតោះមកដឹងពី ប្រវត្តិខ្លះៗរបស់ Zayn ទាំង ៤១ចំណុចនេះ ៖
១). Zayn មានឈ្មោះពេញ Zain Javadd Malik កើតនៅថ្ងៃទី១២ ខែមករា ឆ្នាំ១៩៩៣ គាត់ជាតារាចម្រៀងនិងជាអ្នកនិពន្ធបទចម្រៀង ជនជាតិអង់គ្លេស។
២) . Zayn កើតនៅទីក្រុង Bradford រដ្ឋ West Yorkshire ប្រទេស England ។
៣) . ឳពុកឈ្មោះ Yaser Malik គឺជនជាតិ British Pakistani និងម្ដាយឈ្មោះ Tricia Brannan Malik គឺជនជាតិអង់គ្លេស ហើយម្តាយរបស់គាត់បានប្តូរទៅជាសាសនាអ៊ីស្លាម នៅពេលរៀបការ។ Zayn មានបងស្រីម្នាក់ឈ្មោះ Doniya និងប្អូនស្រីពីរនាក់ ម្នាក់ឈ្មោះ Waliyha និងម្នាក់ទៀតឈ្មោះ Safaa ។
៤). Zayn បច្ចុប្បន្នមានអាយុ ២៧ ឆ្នាំ ហើយមានកម្ពស់ដូចនឹង Justin Bieber ដែលគឺ ១.៧៥cm ។
៥) . Zayn បានចូលរៀននៅសាលាបឋមសិក្សា និងវិទ្យាល័យនៅ Bradford
៦). Zayn បាននិយាយថាលោកចាប់ផ្តើមមានមោទនភាពចំពោះខ្លួនឯង បន្ទាប់ពីលោកបានផ្លាស់ប្តូរសាលារៀននៅអាយុ 12ឆ្នាំ ហើយក្នុងវ័យនោះ Zayn បានចូលរួមវគ្គសិក្សាសិល្បៈ ហើយបានបង្ហាញខ្លួននៅក្នុងផលិតកម្មរបស់សាលា។
៧). Zayn ចាប់ផ្តើមសរសេរសំណេរពេលគាត់រៀននៅសាលា ហើយបានច្រៀងនៅលើឆាកជាលើកដំបូង នៅពេលដែលតារាចម្រៀង Jay Sean បានទៅសាលារៀនរបស់គាត់។
៨). Zayn បានហឹ្វកហាត់ជាអ្នកប្រដាល់អស់រយៈពេលពីរឆ្នាំ ពីអាយុ ១៥ ទៅ ១៧ ឆ្នាំ។
១០). មុនពេលដែល Zayn ចាប់អាជីពជាអ្នកសិល្បៈ ដំបូង Zayn មានគម្រោងបន្តអាជីពជាគ្រូបង្រៀនភាសាអង់គ្លេស។
១១). ក្នុងឆ្នាំ ២០១០ Zayn អាយុ ១៧ឆ្នាំ បានធ្វើតេស្តនៅទីក្រុង Manchester សម្រាប់ការប្រកួតតាមទូរទស្សន៍ក្នុងកម្មវិធី The X Factor ។ Zayn បានច្រៀងបទ "Let Me Love You" របស់ Mario ជាបទដែលគាត់សម្តែងហើយ Zayn ត្រូវបានទទួលយកទៅប្រកួតជុំបន្ទាប់។ Zayn ត្រូវបានគេជម្រុះមុនពេលការប្រកួតជុំចុងក្រោយ ប៉ុន្តែចៅក្រម Nicole Scherzinger និង Simon Cowell បានរើសគាត់ជាមួយដៃគូប្រកួតប្រជែង Harry Styles, Niall Horan, Liam Payne និង Louis Tomlinson ដើម្បីបង្កើតការសម្ដែងថ្មី សម្រាប់កម្មវិធីដែលនៅសេសសល់។
១១). គិតគិតមកត្រឹមបច្ចុប្បន្ននេះ Zayn មានរូបសាក់សឹងតែគ្រប់កន្លែងលើដងខ្លួនទៅហើយ។
១២). Zayn និង Gigi បានចាប់ផ្ដើមទាក់ទងគ្នាតាំងពីខែវិច្ឆិកាឆ្នាំ ២០១៥ ហើយបានមកដល់ផ្លូវបំបែក ក្រោយទាក់ទងគ្នាអស់រយៈពេល២ឆ្នាំ។ Zayn បានបញ្ជាក់ពីការបែកបាក់នៅបណ្ដាញសង្គម Twitter ថា៖
" Gigi និងខ្ញុំមានសេចក្ដីស្នេហានិង ទំនាក់ទំនងដ៏ល្អជាមួយគ្នា ហើយខ្ញុំក៏គោរពនិងស្រលាញ់នាងជាស្រ្ដីនិងមិត្តភ័ក្ដិល្អម្នាក់។ នាងពិតជាមានចិត្តល្អណាស់។ ខ្ញុំអរគុណចំពោះអ្នកគាំទ្រទាំងអស់ ដែលគោរពក៏ដូចជាផ្ដល់ពេលវេលាផ្ទាល់ខ្លួនសម្រាប់ពួកយើងនៅពេលនេះ ហើយព័ត៌មាននេះគួរតែចេញពីពួកយើងផ្ទាល់។ ស្រលាញ់អ្នកទាំងអស់គ្នា"
តារាម៉ូដែល Gigi Hadid ក៏បង្ហាញអារម្មណ៍លើ Twitter ថា៖
" សេចក្ដីថ្លែងការពីការបែកបាក់ស្នេហាមើលទៅដូចជាមិនសូវសមសោះ ពីព្រោះមិនមានអ្វីអាចបង្ហាញតាមរយៈពាក្យពេចន៍អំពីទំនាក់ទំនងនៃមនុស្សពីរនាក់ដែលស្រលាញ់គ្នាខ្លាំងក្នុងរយៈពេលប៉ុន្មានឆ្នាំនោះទេ... មិនមែនត្រឹមតែទំនាក់ទំនងស្នេហា គឺទំនាក់ទំនងគ្រប់យ៉ាង។ ខ្ញុំនៅតែសប្បាយរីករាយចំពោះអ្វីដែលយើងធ្លាប់មាន សេចក្ដីស្រលាញ់ ពេលវេលានិងមេរៀនជីវិតដែលខ្ញុំនិង Zayn បានចែករំលែកជាមួយគ្នា។ ខ្ញុំមិនចង់បានអ្វីទេ គឺគ្រាន់តែចង់ឲ្យ Zayn ល្អនិងបន្តគាំទ្រលោករហូតក្នុងនាមជាមិត្តម្នាក់ ដែលខ្ញុំគោរពនិងស្រលាញ់ខ្លាំង "
បើតាមប្រភពមួយប្រាប់សារព័ត៌មាន The Sun បញ្ជាក់ថាអ្នកទាំងពីរបែកគ្នាដោយសារតែរវល់រៀងៗខ្លួន ដែលធ្វើឲ្យទំនាក់ទំនងស្នេហាមានសម្ពាធខ្លាំងពេក។
១៣. បើទោះបីជា Zayn និង Gigi បាននិយាយថាពួកគេសម្រេចចិត្តចែកផ្លូវគ្នាដោយសន្តិវិធីក៏ដោយ។ មានព័ត៌មានបានបង្ហាញពីហេតុផលពិត ដែលធ្វើឲ្យពួកគេសម្រេចចិត្តជ្រើសរើសយកផ្លូវបញ្ចប់នេះ។តាមទស្សនាវដ្ដី Closer បានឲ្យដឹងថា Zayn បានរក្សាគម្លាតឆ្ងាយពី Gigi ព្រោះតែពួកគេមានគំនិតមិនចុះសម្រុងគ្នា។ តាមប្រភពមួយបាននិយាយថា៖
" Zayn ជាមនុស្សមិនសូវចេះនិយាយស្ដី វាគឺផ្ទុយគ្នាពី Gigi។ ជាទូទៅ Zayn ទាក់ទងតែជាមួយមនុស្សខាងក្រៅ និងចូលចិត្តការងារសិល្បៈ។ លោកមិនសូវត្រូវជាមួយមិត្តរបស់ Gigi ក្នុងសិល្បៈទេ ហើយទាំងនេះជាហេតុផលដែលធ្វើឲ្យពួកគេមានជម្លោះជាមួយគ្នា។ Zayn ជាអ្នកចង់បញ្ចប់មុន ក្រោយពីមានជម្លោះជាច្រើនរួចមក ទាំងនេះហើយបានធ្វើឲ្យ Gigi មិនសប្បាយចិត្ត ទោះបីជានាងនិយាយថា លាគឺជាការសម្រេចចិត្តដ៏ត្រឹមត្រូវក៏ដោយ។ មួយវិញទៀត Zayn មានបញ្ហាច្រើនពេកធ្វើឲ្យ Gigi មិនអាចចំណាយពេលធ្វើឲ្យទំនាក់ទំនងស្នេហានេះស្រស់បំព្រងបាន។ Gigi បានចំណាយពេលច្រើនជ្រុលជាមួយ Zayn ធ្វើឲ្យនាងបាត់បង់ឱកាសជួបជាមួយគ្រួសារនិងមិត្តភក្តិ ប៉ុន្តែអ្វីៗនៅតែមិនអាចប្រសើរឡើង "
១៤. Zayn បានប្រើពេល ៨ខែ ដើម្បីនិពន្ធបទ "Let Me” ពេលនោះគឺ Zayn នៅកំពុងតែទាក់ទងជាមួយ Gigi Hadid នៅឡើយ។ Zaynនិយាយទៅកាន់កម្មវិធី On Air With Ryan Seacrest ថា "ពេលខ្ញុំកំពុងតែនិពន្ធបទចម្រៀងនេះ ខ្ញុំកំពុងតែមានសេចក្ដីស្នេហាពេញខ្លួន។ ខ្ញុំចង់ចំណាយពេលមួយជីវិតដើម្បីស្រលាញ់ Gigi ប៉ុន្តែអ្វីៗមិនអាចធ្វើតាមចិត្តចង់បាន។ ពេលវេលាផ្លាស់ប្ដូរ ទឹកចិត្តមនុស្សក៏ផ្លាស់ប្ដូរតាមនោះដែរ ដូច្នេះយើងត្រូវតែសម្របតាមកាលៈទេសៈនិងធ្វើអ្វីដែលគួរតែធ្វើ។"
១៥. Zayn បានបញ្ជាក់ថាបទចម្រៀង "Let Me” នេះគឺជាបទចម្រៀងដែលបញ្ចូលមនោសញ្ចេតនាបំផុតរបស់លោក។
១៦. ក្រោយបែកពី Gigi រយៈពេល ១ខែរួចមក Zayn ត្រូវអ្នកគ្រប់គ្រង បណ្ដាញចេញទៀត។ប្រភពមួយបានអះអាងប្រាប់វេបសាយ The Sun ថា÷
"ចរិត Zayn គឺកាន់តែយ៉ាប់យ៉ឺន ចាប់តាំងពីលោកបានបែកពីតារាម៉ូដែល Gigi Hadid មក។ ហើយអ្នកគ្រប់គ្រងរបស់លោកក៏សម្រេចចិត្តប្រលែងលោកចោល ហើយក្រុមហ៊ុនលែងខ្វល់ទៀតហើយ។ អ្នកតំណាងរបស់ Zayn បានព្យាយាមជួយលោកអស់រយៈពេល២ឆ្នាំហើយ ប៉ុន្តែនៅតែមិនជោគជ័យ។ Zayn គឺឆេវឆាវ និងរឹងរូសណាស់។ គឺកាន់តែយ៉ាប់យ៉ឺន ចាប់តាំងពីលោកបានបែកពីតារាម៉ូដែល Gigi Hadid មក។ ហើយអ្នកគ្រប់គ្រងរបស់លោកក៏សម្រេចចិត្តប្រលែងលោកចោល ហើយក្រុមហ៊ុនលែងខ្វល់ទៀតហើយ។ អ្នកតំណាងរបស់ Zayn បានព្យាយាមជួយលោកអស់រយៈពេល២ឆ្នាំហើយ ប៉ុន្តែនៅតែមិនជោគជ័យ។ Zayn គឺឆេវឆាវ និងរឹងរូសណាស់ "
១៧. Zayn បានបង្ហោះរូបថតលោកមួយដែលមានអក្សរ Cambodia ជា Background។ នៅលើផុសនោះដែរ Zayn សរសេរថា "អរគុណកម្ពុជា ដែលបានធ្វើឲ្យបទ LetMe ក្លាយជាបទចម្រៀងលេខ១លើ iTunes ”។ iTunes គឺជាសេវាកម្មលក់បទចម្រៀងតាមអ៊ីនធើណែត ដែលមានសម្រាប់តែអ្នកប្រើប្រាស់ Apple ។
១៨. ចុងឆ្នាំ ២០១៨ បណ្ដាសារព័ត៌មានជាច្រើនកំពុងផ្ទុះព័ត៌មានអាស្រូវរវាង Zayn ជាមួយស្ត្រីម៉ាស្សាវ័យ ៤១ឆ្នាំមួយរូប ពេលនាងបានទម្លាយថាធ្លាប់បានគេងជាមួយ Zayn អំឡុងពេលបែកគ្នាជាមួយ Gigi Hadid ។ ស្ត្រីម៉ាស្សារូបនោះមានឈ្មោះថា Enrica Petrongari។ នាងបាននិយាយថា÷
" Zayn មានការភ្ញាក់ផ្អើលខ្លាំង នៅពេលដែលលោកបែកគ្នាជាមួយ Gigi ។ Zayn ចូលចិត្តស្រីមានត្រគាកធំ ហើយក៏បានសុំខ្ញុំឲ្យថតរូបជាមួយគ្នា ខណៈខ្ញុំកំពុងម៉ាស្សាឲ្យលោក។ ពួកយើងទាំងពីរបានគេងជាមួយគ្នាម្ដង នៅឯកន្លែងស្នាក់នៅផ្ទាល់របស់ Zayn ក្នុងក្រុងញូវយ៉ក។ Zayn បានប្រាប់ខ្ញុំថា លោកពិតជាសប្បាយចិត្តណាស់ ហើយសុំអង្វរខ្ញុំឲ្យត្រឡប់ទៅកន្លែងស្នាក់នៅលោកវិញ ដោយបញ្ជាក់ថា លោកកំពុងរស់នៅជីវិតម្នាក់ឯង ហើយចូលចិត្តគេងជាមួយខ្ញុំ "
រឿងអាស្រូវពួកគេ កើតឡើងទើបតែ ២សប្ដាហ៍តែប៉ុណ្ណោះ ក្រោយ Zayn បែកគ្នាពី Gigi Hadid ។ សម្រាប់ Zayn នៅមិនទាន់ចេញមុខបកស្រាយពីបញ្ហានេះនៅឡើយទេ ។
១៩. Zayn និង Gigi បានទាក់ទងគ្នាតាំងពីឆ្នាំ២០១៥ មកម្ល៉េះ ហើយក៏បែកគ្នាកាលពីខែមីនា ឆ្នាំ២០១៧ ប៉ុន្តែ ២ខែក្រោយអ្នកគាំទ្រក៏បានឃើញពួកគេមកជួបជុំគ្នា ដើរលេងនៅខាងក្រៅនិងដើរកាន់តែថឺបគ្នាតាមសាធារណៈ។
២០. Zayn បានចូលរួមជាក្រុម One Direction កាលពីឆ្នាំ២០១០ ហើយលោកបានចំណាយពេលរយៈពេល៥ឆ្នាំ នៅជាមួយនឹងក្រុម One Direction ។ ក្នុងខែមីនា ឆ្នាំ២០១៥ Zayn បានសម្រេចចិត្តចាកចេញពីក្រុម 1D ។
២១.Zayn ជាសមាជិកម្នាក់ ដែលមានភាពលេចធ្លោជាងគេ ក្នុងចំណោមក្រុម One Direction ។
២២. Zayn បានសម្រេចចិត្តចាកចេញពីក្រុម One Direction ក្នុងឆ្នាំ២០១៥ ពេលនោះ Zayn បាននិយាយថា៖
"រយៈពេល៥ឆ្នាំមកហើយ ដែលខ្ញុំបាននៅជាមួយនឹងក្រុម One Direction ហើយក្នុងពេលនេះ វាគួរតែដល់ពេលដែលខ្ញុំគួរតែចាកចេញពីក្រុមហើយ។ ជាពិសេស ខ្ញុំក៏សូមអភ័យទោសទៅអ្នកគាំទ្រទាំងអស់ សម្រាប់ការចាកចេញរបស់ខ្ញុំ ហើយចំពោះមូលហេតុដែលខ្ញុំធ្វើបែបនេះ ព្រោះថាខ្ញុំចង់ក្លាយជាមនុស្សធម្មតាម្នាក់ ដែលអាចសម្រាក និងមានពេលវេលា ផ្ទាល់ខ្លួនខ្លះ។ ខ្ញុំដឹងថាខ្ញុំមានមិត្តបួននាក់ទៀតគឺ Louis, Liam, Harry និង Niall ដែលពួកគេនឹងបន្ត ធ្វើឲ្យក្រុម One Direction កាន់តែល្អបំផុត នៅលើពិភពលោក "
ក្រោយការចាកចេញនេះ សមាជិកទាំង៤នាក់ ក្នុងក្រុម One Direction បានសោកស្តាយ ចំពោះការចាកចេញរបស់ Zayn Malik ដោយនិយាយថា "ពួកយើងពិតជាកើតទុក្ខដែលឃើញ Zayn Malik ទៅបែបនេះ។ ប៉ុន្តែពួកយើងគោរពនូវការសម្រេចចិត្តរបស់គាត់ និងផ្ញើរក្តីស្រឡាញ់របស់ពួកយើង ទៅគាត់ផងដែរ។ រយៈពេល៥ឆ្នាំ ដែលពួកយើងបាននៅជាមួយគ្នា វាពិតជាមានភាពអស្ចារ្យខ្លាំងណាស់ ។
២៣. តាំងពី Zayn បានចំណាយពេលរយៈពេល ៥ឆ្នាំ នៅក្នុងក្រុម One Direction លោកបានចេញអាល់ប៊ុមចំនួន 4 នៅក្នុងក្រុមនេះ។
២៤. Zayn បានបើកកកាយខ្ទេចខ្ទីថា លោកគ្មានមិត្តសូម្បីម្នាក់ ក្នុងរយៈពេល ៥ឆ្នាំ ដែលលោកនៅជាសមាជិកក្រុម One Direction។ Zayn បានឆ្លើយប្រាប់ទៅនឹងកិច្ចសម្ភាសន៍ជាមួយទស្សនាវដ្ដី British Vogue ថា÷
"ខ្ញុំមិនដែលបានជួបជាមួយសមាជិកណាមួយក្នុងក្រុមជាយូរណាស់មកហើយ និងចំពោះទំនាក់ទំនងរបស់ពួកគេ ក៏បានបែកខ្ញែកគ្នា តាំងពីពេលដែលលោកបានចាកចេញពីក្រុមក្នុងឆ្នាំ ២០១៥មកម្ល៉េះ។ ខ្ញុំតែងតែបែបនេះ តែងតែចូលចិត្តនៅម្នាក់ឯង។ ខ្ញុំមិនចូលចិត្តទាក់ទងជាមួយមនុស្សច្រើនពេកនោះទេ។ និយាយតាមត្រង់ទៅចុះ ខ្ញុំមិនធ្លាប់បានទាក់ទងពួកគេសោះក្នុងពេលដ៏យូរមកនេះ រឿងគឺវាបែបនេះ។ មានរឿងបានកើតឡើង ហើយរឿងដែលបាននិយាយចេញទៅ ក្រោយពេលខ្ញុំចាកចេញពីក្រុម។ រឿងបោះពាក្យសម្ដីឲ្យខ្ញុំ។ ខ្ញុំមិនដែលរំពឹងទុកថា រឿងតូចអ៊ីចឹងអាចនឹងកើតមានឡើងចំពោះខ្ញុំសោះ។ ខ្ញុំគិតថាការផ្លាស់ប្ដូរបែបនេះបែបនេះ គឺកើតឡើងចំពោះមនុស្សគ្រប់គ្នា ប៉ុន្តែជាពិសេសគឺនៅពេលដែលយើងស្ថិតក្នុងវ័យ ១៧ ទៅ ១៨ឆ្នាំ វារៀងផ្ដល់ផលប៉ះពាល់ចំពោះយើងបន្តិចដែរ។ មនុស្សគិតក្នុងផ្លូវផ្សេងគ្នា ជាពិសេសនៅពេលដែលមនុស្ស ៥នាក់ មានបុគ្គលិកលក្ខណៈខុសគ្នាទាំង ៥នាក់។ ទំនាក់ទំនងក៏បានបែកបាក់ទៅតាមហ្នឹងដែរ។ ជីវិតគឺបែបនេះ។ មនុស្សចាប់ផ្ដើមផ្លាស់ប្ដូរ ចាប់ផ្ដើមចែកផ្លូវគ្នាដើរ និងចាបនិងចាប់ផ្ដើមរីកចម្រើនដោយខ្លួនឯង "
២៥. Zayn ទម្លាយពីច្បាប់តឹងរឹងហួសហេតុ ក្នុងក្រុម One Direction មុនពេលលោកសម្រេចចិត្តចាកចេញ។ Zayn បាននិយាយថា៖
"មានច្បាប់តឹងរឹងជាច្រើន ក្នុងគោលបំណងដើម្បីឲ្យពួកគេបង្ហាញតែភាពយុវវ័យ នៅពេលចេញមុខតាមសារធារណៈ។ មានរឿងមួយ ដែលឥឡូវនេះវាបានធ្វើឲ្យខ្ញុំឡូយជាងមុន គឺខ្ញុំបានទុកពុកចង្ការ ដែលពីមុនឡើយខ្ញុំមិនអាចធ្វើវា ក៏ដូចជាការធ្វើសក់បះៗ នៅពេលដែលខ្ញុំនៅក្នុងក្រុមនោះទេ "
២៦. Zayn បាននិយាយប្រាប់ឲ្យដឹងពីមូលហេតុធំដែលធ្វើឲ្យលោក ចាកចេញពីក្រុម One Direction គឺមកពីកាលនោះ លោកមិនអាចបញ្ចេញអ្វី ដែលជាធាតុពិតរបស់លោកបាន។
២៧. បច្ចុប្បន្ន Zayn កំពុងជោគជ័យនឹង បទចម្រៀងទោលរបស់ខ្លួន ដែលវាជាគឺជាការបង្ហាញពីអ្វីដែលលោកមាន ក៏ដូចជាការច្នៃប្រឌិតរបស់លោកផងដែរ។
២៨. ក្រុម One Direction បានកើតចេញពីការប្រឡងចម្រៀង ក្នុងកម្មវិធី The X Factor UK ក្នុងឆ្នាំ២០១០ ។
២៩. Zayn បានបញ្ចេញអាល់ប៊ុមបទចម្រៀងផ្ទាល់ខ្លួនរបស់លោកក្នុងពីឆ្នាំ ២០១៥ ។
៣០)ទចម្រៀងទោលដំបូងរបស់ Zayn មានចំណងជើងថា I Wont Mind ។
៣១). បទចម្រៀងទោលរបស់ Zayn សរុបទាំងអស់មានចំនួនជាង 70បទ។
៣២). តាំងពី Zayn ចាកចេញពី One Direction ធ្វើជាតារាចម្រៀងទោល Zayn មានអាល់ប៊ុមចំនួន ២។ • អាល់ប៊ុមទី១ ចេញក្នុងឆ្នាំ២០១៦ មានចំណងជើងថា "Mind of Mine" • អាល់ប៊ុមទី២ ចេញក្នុងឆ្នាំ២០១៨មានចំណងជើងថា "Icarus Falls"
៣៣). បច្ចុប្បន្ន Zayn មិនទាន់មានសង្សារទេ ក្រោយពីបែកគ្នាជាមួយ Gigi Hadid រួចមក។
៣៤). ក្រុមចម្រៀង One Direction ត្រូវបានបង្កើតឡើងនៅឆ្នាំ២០១០ ដោយឆ្លងកាត់ការប្រឡងក្នុងកម្មវិធីប្រឡងចម្រៀងដ៏ល្បីល្បាញមួយនៅអង់គ្លេសមានឈ្មោះ "The X Factor”។ ដំបូងសមាជិកទាំង៥រូប រួមមាន Niall Horan, Zayn Malik, Liam Payne, Harry Styles, និង Louis Tomlinson បានដាក់ពាក្យចូលប្រឡងជាតារាចម្រៀងទោល ប៉ុន្តែដោយយល់ថាពួកគេមិនទាន់មានលក្ខណៈសម្បត្តិគ្រប់គ្រាន់ជាតារាទោល ហើយក៏មិនចង់ឲ្យពួកគេជ្រុះចេញពីកម្មវិធី គណៈកម្មការ៣រួបរួមមាន Simon Cowell, Nicole Scherzinger, និង Louis Walsh ក៏បានរៀបចំឲ្យពួកគេប្រឡងជាក្រុមដើម្បីចូលរួមប្រកួតនៅវគ្គបន្ត និងដាក់ឈ្មោះក្រុមរបស់ពួកគេថា One Direction។ ទីបំផុត One Direction បានបន្តដល់វគ្គចុងក្រោយ និងជាប់ចំណាត់ថ្នាក់លេខ ៣ សម្រាប់រដូវកាលទី៧ នៃកម្មវិធីនេះ។ ក្រោយពីចប់ការប្រកួត One Direction បានចុះកុងត្រាចូលក្នុងផលិតកម្ម Syco Records របស់លោក Simon Cowell។ ដោយទទួលបានការចាប់អារម្មណ៍ និងគាំទ្រខ្លាំងពីសំណាក់យុវវ័យនៅជុំវិញពិភពលោក អាល់ប៊ុម៣ដំបូងរបស់ពួកគេ រួមមានអាល់ប៊ុម "Up All Night” (២០១១), “Take Me Home” (២០១២), និង “Midnight Memories” (២០១៣) បានទទួលជោគជ័យដូចៗគ្នា ដោយអាល់ប៊ុមនីមួយៗលក់ដាច់មិនក្រោម ៤លានបន្ទះ និងបានជាប់ចំណាត់ថ្នាក់កំពូលលើតារាងចម្រៀងល្បីៗជាច្រើន។ លុះដល់ឆ្នាំ២០១៤ One Direction បានជាប់ឈ្មោះក្នុងសៀវភៅកំណត់ត្រាពិភពលោក ជាតារាចម្រៀងដំបូង ដែលអាចទទួលជោគជ័យខ្លាំងបន្តបន្ទាប់បែបនេះ។
សមិទ្ធផលសំខាន់ៗរបស់ពួកគេរួមមាន ពានរង្វាន់ពីកម្មវិធី Brit Awards ចំនួន ៤ និងពានរង្វាន់ពីកម្មវិធី MTV Video Music Awards ចំនួន ៤ ក្នុងចំណោមពានរង្វាន់ជាច្រើនទៀត។ បើយោងតាមបញ្ជីរបស់ទស្សនាវដ្ដី Sunday Times កាលពីខែមេសា ឆ្នាំ២០១៣ បានឲ្យដឹងថាសមាជិកម្នាក់ៗរបស់ 1D មានទ្រព្យសម្បត្តិជាមធ្យមចំនួន ៤១,២លានដុល្លារ ដែលធ្វើឲ្យពួកគេជាប់ចំណាត់ថ្នាក់លេខ២ ជាតារាចម្រៀងអង់គ្លេសមានទ្រព្យច្រើនបំផុត ស្ថិតក្រោមអាយុ ៣០ឆ្នាំ។ ក្រោយចេញអាល់ប៊ុមុម "Midnight Memories” One Direction បានក្លាយជាតារាចម្រៀងទីមួយក្នុងប្រវត្តិសាស្ត្រ ដែលអាល់ប៊ុមទាំង ៣ដំបូងអាចជាប់ចំណាត់ថ្នាក់លេខមួយលើតារាង Billboard 200 របស់អាមេរិក។ មិនតែប៉ុណ្ណោះអាល់ប៊ុមនេះបានក្លាយជាអាល់ប៊ុមលក់ដាច់ជាងគេក្នុងពិភពលោក កាលពីឆ្នាំ២០១៣។ បទចម្រៀងល្បីៗរបស់ពួកគេមានដូចជាបទ "What Makes You Beautiful”, “Live While We're Young”, និង “Story Of My Life”។
៣៥). Zayn Malik បានបង្ហើបរឿងមួយកាលពីមុន ពេលដែលត្រូវបានឃាត់ខ្លួន នៅប្រលានយន្តហោះអស់រយៈពេលជាង ៣ម៉ោង ដោយសារមូលហេតុជាប់ពាក់ព័ន្ធនឹងរឿងឈ្មោះរបស់លោក។ Zyan ត្រូវបានមហាជនស្ទើរទាំងអស់ស្គាល់ថា ជាកូនកាត់អង់គ្លេស-ម៉ូស្លីមម្នាក់ដែល វិវត្តខ្លួនចូលក្នុងវិស័យសិល្បៈ។ បញ្ហាមួយចំនួនបានលើកឡើង ចំពោះ Zayn ទាក់ទងនឹងសាសនាឥស្លាមដែលលោកគោរពជាពិសេសលោកក៏បានបកស្រាយពីបញ្ហាដែលជួបប្រទះពេល ដែលខ្លួនធ្វើដំណើរទៅសហរដ្ឋអាមេរិកដំបូងដែរ។
Zayn បានថ្លែងទៅកាន់វិបសាយ Evening Standard ដោយរំលឹកថា៖
"ពីដំបូងមានគេប្រាប់ខ្ញុំថា ឈ្មោះរបស់ខ្ញុំមានបញ្ហា ហើយពេលទៅដល់អាមេរិក ក្រុមការងារនៅប្រលានយន្តហោះ បានទុកខ្ញុំចោល៣ម៉ោង និងសួរសំណួរជាច្រើន ហាក់ដូចជាចង់រើសអើងជាតិសាសន៍ខ្ញុំ"។ ក្នុងដំណើរនោះក្រៅពី Zyan ក៏មានមិត្តរួមក្រុម One Direction ផ្សេងទៀតដូចជា៖ Liam Payne, Harry Styles, Louis Tomlinson និង Niall Hora ប៉ុន្តែមិនមានអ្នកណាត្រូវបានឃាត់ ដូច Zayn ទេ "
៣៦). Mind of Mine គឺជាអាល់ប៊ុមចំរៀងទោលដំបូងបង្អស់ក្នុងអាជីពរបស់ Zayn បន្ទាប់ចាកចេញក្រុមចំរៀង Pop ដ៏ល្បីល្បាញមួយរបស់ចក្រភពអង់គ្លេសOne Direction កាលពីអំឡុងខែមីនា ឆ្នាំ២០១៦កន្លងទៅ។
៣៧). យោងតាមទីភ្នាក់ងារចែកចាយបទចំរៀង Official Charts Company បទ Pillowtalk របស់ Zayn ត្រូវចាត់ទុកជាបទចំរៀងទោលលក់ដាច់លឿនបំផុត ក្នុងឆ្នាំ២០១៦ ដោយលក់បានរហូតដល់ទៅ ១១២ពាន់បទ និងការចូលស្តាប់លើទីផ្សារចំរៀងអនឡាញរហូតដល់ទៅ ៤.៩៧លានដង។
៣៨). តាមប្រភពព័ត៌មាន Metro បានឲ្យដឹងថា Zayn Malik បាននិយាយតាមត្រង់ថា " មិនដែលបាននិយាយជាមួយនឹងអតីតមិត្តរួមក្រុមនោះទេ ក្រោយពីបានបែកក្រុម។ មានពាក្យនិយាយក្រោយខ្នងមិនល្អមួយចំនួន ក្រោយពីខ្ញុំបានចាកចេញ។ បើប្រាប់តាមត្រង់ទៅ គឺខ្ញុំមិនដែលបាននិយាយជាមួយពួកគេជាយូរមកហើយ។ នេះគឺជាអ្វីដែលបានកើតឡើង។ មានពាក្យមិនល្អមួយចំនួន ដែលបានលើកឡើងក្រោយការចាកចេញរបស់ខ្ញុំ។ ខ្ញុំមិនដែលគិតថាវាដូច្នោះទេ " ។
៣៩). Zayn បានបង្ហាញបទសម្ភាសន៍ជាលើកដំបូងចាប់តាំងពីការចាកចេញពីក្រុម One Direction ។ Zayn បាននិយាយទៅកាន់ទស្សនាវដ្តី Fader អំពីមូលហេតុដែលខ្លួនចាកចេញពីក្រុម ហើយនឹង អ្វីដែលគាត់រំពឹងពីអាល់ប៊ុមថ្មីរបស់គាត់ ។ " អាល់ប៊ុមចម្រៀងទោលរបស់ខ្ញុំ កើតចេញពីបទពិសោធន៍នៃជីវិតពិតរបស់ខ្ញុំ និងរឿងរ៉ាវដែលខ្ញុំបានជួបប្រទះក្នុងរយៈពេល ៥ឆ្នាំកន្លងទៅនេះ វាគឺជាអាល់ប៊ុមនិយាយពីជីវិតផ្ទាល់ខ្លួន។ វាគឺជាអារម្មណ៍ដ៏ល្អមួយនៅពេលដែលអ្នកអាចចាកចេញពីទីកន្លែងមួយដែលអ្នកត្រូវស្តាប់តាមការបង្គាប់បញ្ជារបស់គេ ត្រូវធ្វើខ្លួនជាមនុស្សរៀបរយគ្រប់ពេល ត្រូវធ្វើអ្វីដែលសាធារណជនរំពឹងចង់ឃើញ។ នេះគឺគ្រាន់តែជាទស្សនៈរបស់ខ្ញុំប៉ុណ្ណោះ ហើយវាពិតជាអារម្មណ៍ដែលទទួលបានសេរីភាពពេញទី “ ។
៤០). នៅអាយុ ១៧ឆ្នាំ Zayn បានក្លាយជាសមាជិកម្នាក់នៃកម្មវិធី " The X Factor " ដែលពេញនិយមនៅចក្រភពអង់គ្លេស។ បន្ទាប់ពីការសម្តែងបទចម្រៀងរបស់គាត់ Zayn ត្រូវបានផ្ទេរទៅវគ្គផ្តាច់ព្រ័ត្រដោយស្វ័យប្រវត្តិ។
៤១). កាលពីនៅក្មេង Zayn តែងតែមានអាការៈវង្វេងស្មារតី គាត់ញឹកញាប់មានអារម្មណ៍មិនសូវល្អឆាប់ខឹង ។
ប្រភពហ្វេនផេក៖ Justin Bieber-CAMBODIA
សូមទស្សនារូបភាពខាងក្រោម៖
Bong I.T