អង់គ្លេស៖ ខ្សែការពារស្លាបឆ្វេងរបស់ក្រុមហង្សក្រហម Liverpool កីឡាករ Trent Alexander-Arnold បានជាប់ឈ្មោះជាកីឡាករឆ្នើមប្រចាំខែធ្នូក្នុងក្របខណ្ឌ Premier League រដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែការពារវ័យ២១ឆ្នាំ បានបង្ហាញទម្រង់លេងយ៉ាងលេចធ្លោកំឡុងពេលរដូវ Christmas កាលពីខែមុន ជាពិសេសក្នុងការប្រកួតយកឈ្នះក្រុមលេខ២ Leicester City ៤-០ ក្នុងថ្ងៃ Boxing Day ។
ក្នុងការប្រកួតនោះ Arnold ស៊ុតបញ្ចូលទីបាន១គ្រាប់ និងបញ្ជូនបាល់ឲ្យមិត្តរួមក្រុមសម្រេចទីបាន២ដង ដូច្នេះបើគិតជារួមរូបគេរួមចំណែកបង្កើតគ្រាប់បាល់ឲ្យក្រុមបាន៣គ្រាប់។
លើសពីនេះទៅទៀត ជម្រើសជាតិអង់គ្លេសរូបនេះ ក្នុងនាមជាខ្សែការពារបានរួមចំណែកជួយរក្សាសំណាញ់ទីក្រុម Liverpool មិនឲ្យរបូត (clean Sheet) បាន៤ដង ក្នុងចំណោម៥ប្រកួតនៅ Premier League ក្នុងខែធ្នូ។
Arnold ជាកីឡាករ Liverpool ទីពីរហើយ ដែលឈ្នះពានរង្វាន់កីឡាករឆ្នើមប្រចាំខែនៅ Premier League រដូវកាលនេះ ដោយមិត្តរួមក្រុម Sadio Mane ធ្លាប់ឈ្នះកាលពីខែវិច្ឆិកា។
ជាមួយគ្នានេះដែរ អ្នកចាត់ការទូទៅក្រុមហង្សក្រហមលោក Jurgen Klopp ក៏បានជាប់ឈ្មោះជាគ្រូបង្វឹកឆ្នើមប្រចាំខែធ្នូផងដែរ ដោយលោកបានឈ្នះចំនួនបីលើករួចមកហើយក្នុងរដូវកាលនេះ។
គួរឲ្យដឹងដែរថា Liverpool បច្ចុប្បន្នកំពុងឈរកំពូលតារាង Premier League រក្សាគម្លាត១៣ពិន្ទុពីក្រុមលេខ២ Leicester City ខណៈយប់នេះវេលាម៉ោង១២:៣០ រំលេងអាធ្រាត្រ ពួកគេនឹងធ្វើដំណើរទៅកីឡដ្ឋាន Tottenham Stadium តតាំងជាមួយនឹងក្រុមមាន់ខ្នាយមាស Spurs ៕