អាមេរិក៖ គំនិត​រួមជាមួយនឹងទ្រឹស្តីដែលនិយាយចេញមកថា ​មានភពពីរ​បុកគ្នា អាចស្តាប់ទៅដូចជា​រឿងប្រឌិតបែបវិទ្យាសាស្ត្រ​ ​ប៉ុន្តែយោងតាមអង្គការណាសាបានបញ្ជាក់ថា វាអាចជាការពិតដែលបានកើតឡើងកាលពី ១០ឆ្នាំមុន។

ទីភ្នាក់ងារអវកាសបានបង្ហើបឱ្យដឹងថា ​ភពចំនួន២ ត្រូវបានគេគិតថា វាបានបុកគ្នានៅឆ្នាំ២០១០ ​ភពទាំងនេះស្ថិតនៅក្នុងប្រព័ន្ធភព BD +20 307 ដែលវាមានចម្ងាយប្រហែលជា ៣០០ឆ្នាំពន្លឺក្នុងក្រុមផ្កាយ។

វានឹងក្លាយជាមហន្តរាយ ប្រសិនបើភពពីបុកគ្នា

កាលពីឆ្នាំ ២០១០ អង្គការណាសាក៏បានរកឃើញនូវកម្ទេច​ធូលី​ជាច្រើននៅជុំវិញប្រព័ន្ធផ្កាយ​ ​ដែលវាអាចបង្ហាញថាមានភពចំនួន២ ប្រហែលជាបានបុកគ្នា។ កាលពី១០ឆ្នាំមុន អ្នកវិទ្យាសាស្ត្របានប៉ាន់ស្មានថា កម្ទេចធូលីដ៏​ក្តៅនៅក្នុងប្រព័ន្ធនេះហើយ គឺជាលទ្ធផលនៃការប៉ះទង្គិចគ្នា​រវាងភពមួយទៅភពមួយ។ ឥឡូវនេះបេសកកម្ម SOFIA របស់អង្គការណាសាបានរកឃើញធូលីដ៏​ក្តៅបន្ថែមទៀតដែលអាចគាំទ្របន្ថែមទៀតចំពោះ​គំនិតនេះ។

វានឹងក្លាយជាមហន្តរាយ ប្រសិនបើភពពីបុកគ្នា

ណាសាបានពន្យល់ថា វាហាក់ដូចជាមិនទាក់ទងទៅនឹងប្រព័ន្ធព្រះអាទិត្យរបស់យើងមែន ប៉ុន្តែការរកឃើញនេះអាចជួយ​ឱ្យយើងបានសិក្សាបន្ថែមខ្លះៗ ទាក់ទងទៅនឹងប្រវត្តិនៃប្រព័ន្ធព្រះអាទិត្យរបស់យើង ។ ព្រះច័ន្ទ​បានកើតឡើងប្រហែលជា ៤.៥ ​ពាន់លានឆ្នាំមុន គឺកើត​ក្រោយប្រភពនៃដើម​ប្រព័ន្ធព្រះអាទិត្យប្រហែល ៣០-៥០លានឆ្នាំ​។

វានឹងក្លាយជាមហន្តរាយ ប្រសិនបើភពពីបុកគ្នា

លោក Jan Heldmann អ្នកវិទ្យាសាស្រ្តស្រាវជ្រាវរបស់អង្គការណាសាបានពន្យល់ថា ព្រះច័ន្ទបាន​កើតឡើងពីគំនរកម្ទេចធូលីបាក់បែកនៅក្នុងប្រព័ន្ធផ្កាយ ដែលបាន​ធ្លាក់ចូលទៅក្នុងគន្លងគោចរដោយការប៉ះទង្គិចគ្នាយ៉ាងខ្លាំងរវាងភពដែលទើបកើតឡើងដំបូងជាមួយនឹងភពមួយផ្សេងទៀត ដែលមានទំហំប៉ុនភពព្រះអង្គារ។

វានឹងក្លាយជាមហន្តរាយ ប្រសិនបើភពពីបុកគ្នា

ដំបូងឡើយ ព្រះចន្ទវិលលឿន​ណាស់ ប៉ុន្តែដោយសារឥទ្ធិពលនៃទំនាញរបស់ផែនដី បានធ្វើឲ្យល្បឿននៃការវិលរបស់ព្រះច័ន្ទថយចុះ។ ឥទ្ធិពលនេះ បានធ្វើឲ្យរយៈពេលនៃការវិលរបស់ព្រះច័ន្ទស្មើនឹងល្បឿននៃការវិលតាមគន្លង ដែលមានរយៈពេលប្រហែល ២៩.៥ថ្ងៃ ហើយវាក៏ថេរដូចបច្ចុប្បន្ននេះ៕

វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]