អង់គ្លេស៖ យោងតាមសេចក្ដីថ្លែងការណ៍របស់ក្លិបមាន់ខ្នាយមាស Tottenham Hotspurs ដែលបានចេញផ្សាយកាលពីថ្ងៃព្រហស្បតិ៍ម្សិលមិញបានឲ្យដឹងថា កីឡាករ Harry Kane នឹងត្រូវទទួលការវះកាត់ព្យាបាលរបួសសរសៃពួរខាងឆ្វេងរបស់គាត់ ខណៈក្លិបរំពឹងថាគាត់នឹងអាចត្រឡប់មកជួយក្រុមវិញបានក្នុងខែមេសា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្នុងសេចក្ដីថ្លែងការណ៍បានរៀបរាប់ថា៖
"បន្ទាប់ពីធ្វើការពិនិត្យនិងវាយតម្លៃ ដោយគ្រូពេទ្រជំនាញរបស់ក្លិបកាលពីសប្ដាហ៍មុន ពួកយើងអាចបញ្ជាក់បានថា Harry Kane នឹងត្រូវទទួលការវះកាត់ព្យាលសរសៃពួរដែលដាច់នៅជើងឆ្វេងរបស់គាត់។ ខ្សែប្រយុទ្ធរូបនេះបានរងរបួស កំឡុងពេលប្រកួតក្នុងក្របខណ្ឌ Premier League ទល់នឹង ក្រុម Southampton កាលពីសប្តាហ៍មុន ហើយអ្នកឯកទេសបានណែនាំឱ្យធ្វើការវះកាត់បន្ទាប់ពីបានពិនិត្យបន្ថែមទៀតពីរបួស។
ខណៈការវះកាត់នេះ មិនរំពឹងថានឹងប៉ះពាល់ដល់ប្រធានក្រុមជម្រើសជាតិអង់គ្លេសរូបនេះត្រូវសម្រាកក្រៅទីលានរយៈពេលប៉ុន្មាននោះទេ តែក្លិបរំពឹងថាគាត់នឹងត្រឡប់មកហ្វឹកហាត់វិញនៅខែមេសា។"
គួរឲ្យដឹងដែរថា បើយោងតាមការចុះផ្សាយរបស់កាសែត The Sun ក្រុមមាន់ខ្នាយមាស Spurs បានយល់ព្រមកិច្ចព្រមព្រៀងតម្លៃ២៨លានផោន (ឬប្រមាណ ៣៦លានដុល្លារ) ក្នុងការនាំយកខ្សែប្រយុទ្ធកណ្ដាលរបស់ក្លិប AC Milan កីឡាករ Krzysztof Piatek មកជំនួសកន្លែងរបស់ Kane ៕
ប្រភព៖ tottenhamhotspur
Bong I.T