ភ្នំពេញ៖ ប៉ុស្តិ៍ទូរទស្សន៍ដ៏ពេញនិយម ហង្សមាស HDTV នៅតែបន្តឈរជួរមុខគេ ក្នុងការបម្រើអារម្មណ៍ទស្សនិកជនគ្រប់វ័យ ជាមួយនឹងការផលិតកម្មវិធីទូរទស្សន៍ល្បីៗ យ៉ាងមានគុណភាព ការប្រគំតន្រ្តីប្រចាំសប្តាហ៍យ៉ាងសម្បូរបែប កម្មវិធីព័ត៌មានដ៏មានប្រជាប្រិយភាព និងកម្មវិធីផ្សេងៗទៀតជាច្រើន។ ហើយអ្វីដែលកាន់តែពិសេសនោះគឺ ស្ថានីយ៍ទូរទស្សន៍លំដាប់លេខមួយនេះ កំពុងតែសាងកេរ្តិ៍ឈ្មោះឲ្យវិស័យភាពយន្តភាគខ្មែរ កាន់តែល្បីរន្ទឺមានការទទួលស្គាល់ពីមហាជននូវគុណភាព ផលិតបានយ៉ាងល្អ មិនចាញ់កុនភាគបរទេសឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ដោយមានការគាំទ្រយ៉ាងគគ្រឹកគគ្រេង សម្រាប់រឿងភាគខ្មែររបស់ប៉ុស្តិ៍ហង្សមាស នៅដើមឆ្នាំ២០២០នេះ មានការបន្ថែមម៉ោងចាក់ផ្សាយថ្មី ជាមួយនឹងការបន្ថែមចំនួនរឿងភាគថ្មីមួយទៀតផងដែរ។ នៅរៀងរាល់ថ្ងៃចន្ទ អង្គារ ពុធ ម៉ោង ៧ ដល់ ៨ យប់ លោកអ្នកនឹងបានទស្សនារឿងភាគថ្មីមួយ ទៀតរបស់ហង្សមាស គឺរឿង «កូនប្រសាអ្នកមាន» ដែលបានចាក់ផ្សាយចំនួន ៣ភាគរួចមកហើយក្នុងសប្តាហ៍នេះ។
រឿងភាគខ្មែរថ្មីរបស់ហង្សមាសមួយនេះ អូសទាញការគាំទ្របានយ៉ាងសន្ធឹកតាំងពីសប្តាហ៍ដំបូងតែម្តង គ្រប់ការបញ្ចេញមតិរបស់ទស្សនិកជននៅលើបណ្តាញសង្គមហ្វេសប៊ុក គឺសុទ្ធតែសរសើរពីគុណភាពរឿងនេះ ថាមើលហើយជក់ចិត្តបន្តចង់តាមដានតែម្តង។
ជាពិសេស គឺឈុតមួយក្នុងភាគដំបូងដែលឆក់យកអារម្មណ៍អ្នកគាំទ្រ ឲ្យស្លុងតាមសាច់រឿងមិនស្ទើរទេ ដែលនាង ផា សម្តែងដោយកញ្ញា ដួង ម៉ានិច សុខចិត្តខាំមាត់ខ្ទប់មុខយំម្នាក់ឯង ដោយរុញឲ្យអ្នកបម្រើឈ្មោះនាង គីន ដែលសម្តែងដោយអ្នកនាង ស្រីលាភ ទៅរួមគ្រែមួយរាត្រីជាមួយស្វាមីសំណព្វចិត្ត ដែលសម្តែងដោយលោក ឆឹម សក្កដា ព្រោះតែចង់ឲ្យអ្នកបម្រើមានកូនឲ្យជារបស់ខ្លួន ដើម្បីកុំឲ្យម្តាយក្មេកបង្ខំប្តីឲ្យយកប្រពន្ធទី២ ។
ពិតជាមិនសរសើរមិនបានមែន គ្រាន់តែចេញសាច់រឿងប៉ុណ្ណោះធ្វើឲ្យអ្នកទស្សនាអន្ទះសារ រង់ចាំភាគបន្ត ស្ទើរមិនបានទៅហើយ។ កុំភ្លេចណា! រឿង «កូនប្រសាអ្នកមាន» មានចាក់បញ្ចាំងជូនទស្សនារៀងរាល់ ថ្ងៃចន្ទ អង្គារ ពុធ ម៉ោង ៧ ដល់ម៉ោង ៨ យប់នៅលើកញ្ចក់ទូរទស្សន៍ហង្សមាស HDTV ៕