អូស្ត្រាលី៖ ភ្លើងឆេះព្រៃដ៏គួរឲ្យរន្ធត់នៅក្នុងប្រទេសអូស្ត្រាលី បានបំផ្លាញទេសភាពដ៏ស្រស់ត្រកាលនិងសម្លាប់សត្វជាច្រើនលានក្បាល ក្នុងរយៈពេលប៉ុន្មានខែកន្លងមកនេះ។ ក្នុងនោះមានមនុស្សយ៉ាងតិច ១៧នាក់បានស្លាប់ ផ្ទះជាង ១០០០ខ្នងត្រូវបានបំផ្លាញ រួមទាំងថនិកសត្វ បក្សី និងសត្វល្មូនប្រមាណ ៤៨០ លានក្បាលបានបាត់បង់ជីវិតនិងគ្មានទីជម្រក។ គ្រោះអគ្គិភ័យនេះបានកើតឡើងជារៀងរាល់ឆ្នាំនៅក្នុងប្រទេសអូស្ត្រាលី ដោយវាបានបង្កឡើងពីមូលហេតុផ្សេងៗដោយធម្មជាតិ ហើយជាញឹកញាប់វាក៏បង្កឡើងដោយសារមនុស្សជាអ្នកដុតផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមគេហទំព័រសារព័ត៌មាន Dailymail បានឱ្យដឹងថា បុរសនៅរដ្ឋញូវសៅវែលម្នាក់ ត្រូវរងការចោទប្រកាន់ពីបទបង្កឱ្យមានភ្លើងឆេះព្រៃនេះ។ លោក Michael Truong អាយុ ៣៦ឆ្នាំ ដែលគ្មានអាសយដ្ឋានរស់នៅច្បាស់លាស់ ត្រូវបានឃាត់ខ្លួនដោយមន្ត្រីក្រុមប៉ូលិស ខណៈដែលគាត់បានព្យាយាមរត់គេចខ្លួននៅតាមដងផ្លូវដែលស្ថិតនៅចម្ងាយប្រហែល ២០គីឡូម៉ែត្រពីកន្លែងភ្លើងឆេះព្រៃ នៅភាគខាងកើតទីក្រុង Bairnsdale ប្រទេសអូស្ត្រាលីកាលពីសប្តាហ៍មុន។
ប្រជាពលរដ្ឋដែលរស់នៅក្នុងប្រទេសអូស្ត្រាលីមានការខឹងសម្បារយ៉ាងខ្លាំងក្នុងអំឡុងពេលបុរសរូបនេះ បានបង្ហាញខ្លួននៅក្នុងតុលាការ Bairnsdale Magistrates ដែលជាកន្លែងដែលគាត់ត្រូវបានចោទប្រកាន់ពីបទបង្កឱ្យមានភ្លើងឆេះព្រៃ។
ក្រុមមន្ត្រីប៉ូលិសបានឈានដល់ការឃាត់ខ្លួនលោក
Michael Truong បន្ទាប់ពីប្រជាពលរដ្ឋដែលរស់នៅក្នុងតំបន់នោះបានសង្ស័យចំពោះទង្វើរបស់គាត់
រួមទាំងភស្តុតាងមួយផ្សេងទៀតគឺរថយន្តរបស់លោក Truong
ត្រូវបានប្រទះឃើញដោយក្រុមពន្លត់អគ្គិភ័យនៅក្នុងតំបន់ព្រៃដែលកំពុង
ឆាបឆេះនោះ។
យោងតាមត្រួតពិនិត្យយ៉ាងលម្អិតទៀតនោះ ប្រជាពលរដ្ឋបានអះអាងថា លោក Truong បានដុតព្រៃនៅតំបន់នោះដោយប្រើក្រដាសបំណែកៗ៕