រដ្ឋបាលរាជធានីភ្នំពេញគ្រោងធ្វើផ្លូវក្រោមដីត្រង់ចំនុចមុខសាកលវិទ្យាល័យភូមិន្ទភ្នំពេញ និង IFL

//s5.kh1.co/4b/4ba8002eb503736ecc5c2e44726251d7b0c45575.jpg
Khmerhome

 ១០-មករា-២០២០ ៩ព្រឹក · ៤ ឆ្នាំមុន

https://s5.kh1.co/__image/w=600,h=451,q=100/a2/a2a80514a611765a0eff8a3a45625ea638e8a89c.jpg
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភ្នំពេញ៖ រដ្ឋបាលរាជធានីភ្នំពេញ គ្រោងនឹងស្ថាបនាផ្លូវក្រោមដី ត្រង់ចំនុចមុខសាកលវិទ្យាល័យភូមិន្ទភ្នំពេញ និងវិទ្យាស្ថានភាសាបរទេស (IFL)។ ស្ថិតនៅក្នុងសង្កាត់ទឹកល្អក់១ ខណ្ឌទួលគោក រាជធានីភ្នំពេញ ដើម្បីជួយសម្រួលការធ្វើដំណើររបស់សិស្សនិស្សិត។ បើតាមការបង្ហោះលើទំព័រហ្វេសប៊ុកផ្លូវរបស់រដ្ឋបាលរាជធានីភ្នំពេញ កាលពីល្ងាចថ្ងៃទី៩ ខែមករា នេះ។

គម្រោងស្ថាបនាផ្លូវក្រោមដី ដែលមានការបើកកិច្ចប្រជុំ ដែលដឹកនាំដោយ លោក ឃួង ស្រេង អភិបាលរាជធានីភ្នំពេញ កាលពីថ្ងៃទី៩ ខែមករា ឆ្នាំ២០២០ មានមន្រ្តីពាក់ព័ន្ធបានចូលរួមផដែរ។ តាមគម្រោងនេះ ដោយ លោក អភិបាលមើលឃើញថា​ នៅមុខ​សាកល​វិទ្យាល័យ​ភូមិន្ទ​ភ្នំពេញ មានការ​​កកស្ទះ​ចរាចរណ៍​ជាប្រចាំ​ថ្ងៃ។

https://s5.kh1.co/__image/w=650,h=434,q=100/55/5585488e4b24e07597839768ef5d08cc013085ce.jpg

លោកបញ្ជាក់ថា ​ផ្លូវ​ក្រោម​ដី​មួយ​ខ្សែ​ទៀតនេះ ​ដើម្បី​បង្ក​ភាព​ងាយស្រួល​ដល់​ការ​ធ្វើដំណើរ​របស់ ​សិស្ស​ ​និស្សិត​ ​ដែល​ចេញចូល​សាលា​ ​ជាពិសេស​ការ​ធ្វើ​ចរាចរណ៍​របស់​ប្រជាពលរដ្ឋ​នៅ​លើ​ផ្លូវ​សហព័ន្ធ​រុស្ស៊ី​ ​តែង​កកស្ទះ​ជាប់​ជាប្រចាំ​ថ្ងៃ​។​

សូមរម្លឹកថា ផ្លូវក្រោមដីតិចណូត្រូវបានរាជរដ្ឋាភិបាលដាក់ឱ្យប្រើប្រាស់កាលពីថ្ងៃទី៥ ខែមករា ឆ្នាំ២០១៦ ដែល បើកការដ្ឋានសាងសង់កាលពីថ្ងៃទី៩ ខែកញ្ញា ឆ្នាំ២០១៤។ ផ្លូវក្រោមដីនេះមានប្រវែង ៣៥៦ម៉ែត្រ ទទឹងពី៦ទៅ៨ម៉ែត្រ ផ្លូវអមស្ពានប្រវែង សរុប៨២៥ម៉ែត្រទទឹង៥,៥ម៉ែត្រ ស្ថិតនៅប្រសព្វមហាវិថីសហព័ន្ធរុស្ស៊ី មហាវិថីគីមអ៊ីលស៊ុង និងមហាវិថីម៉ៅសេទុង ប្រសព្វគ្នាត្រង់ភ្លើងស្តុបតិចណូ។

គម្រោងស្ថាបនាផ្លូវក្រោមដី មុខសាកលវិទ្យាល័យភូមិន្ទភ្នំពេញ ជាផ្លូវទី២៕

ដោយ៖ឌីណា

Khmerhome
Khmerhome

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T