ថៃ៖ អ្នកណាមិនស្គាល់ តារាសម្ដែងស្រីដ៏ល្បី Taew Natapohn ដែលបានលេចលឺ ពាក្យចចាមអារ៉ាមថា នាងជាមួយនឹងគូស្នហ៍ លោក Ton Arch បានបែកគ្នាទៅហើយនោះ ប៉ុន្តែខុសស្រឡះ ដោយឥឡូវនេះ ពួកគេទាំងពីរនាក់ ពិតជាស្រឡាញ់គ្នា និងពោរពេញទៅដោយភាពផ្អែមល្ហែម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលើសពីនេះទៅទៀត ចាប់តាំងពីចុងឆ្នាំមុនមក Taew Natapohn និងគូស្នេហ៍ ក៏មានដំណើរកម្សាន្តជាមួយគ្នាជាបន្តបន្ទាប់ រហូតដល់ថ្ងៃទី ១ ខែមករា នេះផងដែរ ។ ចំណែកឯខាងប្រុសវិញក៏បានបង្ហោះរូបភាពគូស្នេហ៍អ្នកទាំងពីរ ដែលបានត្រៀមអបអរចូលឆ្នាំថ្មីដល់អ្នកគ្រប់គ្នា។ បន្ទាប់មក គេក៏បានឃើញនូវភាពផ្អែមល្ហែមរបស់អ្នកទាំងពីរជាបន្តបន្ទាប់។
ម៉្យាងវិញទៀត មិត្តភក្តិជិតស្និទ្ធម្នាក់របស់ Taew Natapohn គឺ នាង Toey Jarinporn ដែលជាតារាសម្ដែងមួយរូបនោះ បានផ្ដល់ភាពភ្ញាក់ផ្អើលមួយ ដោយបានបង្ហោះរូបភាពគូស្នេហ៍របស់អ្នកទាំងពីរ ដែល Taew Natapohn និងសង្សារ បានដាក់ក្បាលទល់គ្នា ជាមួយនឹងទឹកមុខញញឹមយ៉ាងមានសេចក្ដីសុខ ។ បើទោះបីជា គូស្នេហ៍មួយគូនេះ មានទំនាក់ទំនងជាមួយគ្នាតាំងពីយូរមកហើយក៏ដោយ ប៉ុន្តែភាពផ្អែមល្ហែមរបស់ពួកគេទាំងពីរ គឺមិនដែលរសាយនោះទេ៕
សូមទស្សនារូបភាពខាងក្រោម៖