អង់គ្លេស៖ អ្នកចាត់ការទូទៅក្រុមហង្សក្រហម Liverpool លោក Jurgen Klopp បានសរសើរដល់ខ្សែបម្រើវ័យ២១ឆ្នាំរបស់ក្លិបតោខៀវ Chelsea កីឡាករ Christian Pulisic ថាជាកីឡាករដ៏អស្ចារ្យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាក់ស្ដែង Liverpool ក៏ធ្លាប់មានទំនាក់ទំនងតាមចែចូវយក Pulisic ផងដែរ កាលពី១២ខែមុន តែកីឡាកររូបនេះ បានសម្រេចចិត្តចូលរួមជាមួយនឹងក្រុមតោខៀវ Chelsea ក្នុងតម្លៃផ្ទេរ៥៨លានផោន (ឬប្រមាណ៧៥,៨លានដុល្លារអាមេរិក)។
យ៉ាងណាលោក Klopp បាននិយាយជុំវិញគោលដៅចាស់របស់លោករូបនេះថា៖
"ខ្ញុំបានស្គាល់គាត់ (Pulisic) យូរណាស់មកហើយ តាំងពីគាត់នៅក្មេងម៉្លេះហើយឥលូវក៏គាត់នៅតែមិនទាន់ចាស់អីដែរ។ គាត់ជាកីឡាករដ៏អស្ចារ្យមួយរូប ហើយវាពិតជាស័ក្ដិសមសម្រាប់អ្នករាល់គ្នាដែលរំពឹងខ្ពស់ពីគាត់។"
គួររម្លឹកផងដែរ ក្នុងរដូវកាលនេះ Pulisic បានបង្ហាញទម្រង់លេងយ៉ាងលេចធ្លោ ដោយគិតត្រឹម២៣ប្រកួតកន្លងទៅ រូបគេចូលរួមចំណែករកគ្រាប់បាល់ឲ្យក្រុមបាន១២គ្រាប់ ពោលគឺស៊ុតខ្លួនឯងបាន៦គ្រាប់ និង Assist ឲ្យមិត្តរួមក្រុមបាន៦ដង គិតរាល់កម្មវិធីទាំងអស់៕
ប្រភព៖ AF
Bong I.T