ដើម្បីប្រាក់ កូននាយក្តឹប រត់PassApp ជិតម៉ោង​ ១២យប់ រហូតជួបគ្រោះថ្នាក់ ឡានបុកដល់ស្លាប់

ភ្នំពេញ៖ តារាកំប្លែងប្រុសដ៏មានប្រជាប្រិយភាព នាយក្តឹប បច្ចុប្បន្នកំពុងតែមានជំងឺប្រចាំកាយ បាត់បង់នូវចំនូលការងារសិល្បៈ មិនសូវជាបានលេចមុខនៅក្នុងកម្មវិធីច្រើនដូចមុន ពេលនេះកំពុងតែជួបទុក្ខជាន់ទុក្ខ កូនប្រុសជាទីស្រលាញ់បានស្លាប់យ៉ាងគួរឲ្យអាណិត។

ហេតុការណ៍នេះបានកើតឡើង កាលពីមិញនេះខណៈពេលដែលកូនប្រុសរបស់លោកខំរកប្រាក់ សម្រាប់គ្រួសារទាំងយប់ ពោលគឺលោករត់កង់បីឥណ្ឌា ទាំងយប់ រហូតដល់មានរឿងហេតុកើតឡើងឡានមកបុកទាំងដែលខ្លួនមិនដឹងអី ស្លាប់ចោលគ្រួសារ ដែលជាខ្លួនជាទីពឹងយ៉ាងរន្ធត់។

ខណៈពេលនេះដែរ តារាកំប្លែងបុ្រសរូបនេះ កំពុងតែយំសោកបោកខ្លួន អាណិត និងស្រណោះដល់កូនប្រុសជាទីស្រលាញ់របស់ខ្លួនយ៉ាងខ្លាំង ដែលស្លាប់ទៅទាំងវ័យក្មេងបែបនេះ។

ជាមួយគ្នានេះដែរ មហាជនជាច្រើនពិតជាសោកស្តាយយ៉ាងខ្លាំង​ដែលលោកបានបាត់បង់ កូនប្រុសដ៏ល្អរបស់ខ្លួនបែបនេះ៕

សូមទស្សនារូបភាពខាងក្រោមនេះ៖