អូស្ត្រាលី៖ ការរៃអង្គាសប្រាក់ដោយតារាកំប្លែងនិងជាតារាសម្ដែងរបស់អូស្ត្រាលីអ្នកស្រី Celeste Barber អាចស្វែងរកប្រាក់បានច្រើនជាងចំនួន៣២លានដុល្លារអាមេរិក ដើម្បីជួយដល់ភ្នាក់ងារពន្លត់អគ្គិភ័យដែលកំពុងប្រយុទ្ធនឹងភ្លើងឆេះព្រៃដ៏ធំនៅប្រទេសអូស្ត្រាលី។ ការរៃអង្គាសប្រាក់មួយនេះបានធ្វើឲ្យអ្នកស្រីជាប់កំណត់ត្រាពិភពលោក នៅលើវេទិការៃអង្គាសប្រាក់របស់ហ្វេសបុក។ អ្នកស្រី Barber បានចាប់ផ្ដើមកម្មវិធីរៃអង្គាសប្រាក់មួយនេះតាំងពីថ្ងៃទី៣ ខែមករា ដោយអាចស្វែងរកការឧបត្ថម្ភប្រាក់នៅជុំវិញពិភពលោក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថវិកាទាំងនេះនឹងបញ្ចូលទៅក្នុងគណនី PayPal រួចហើយនឹងបរិច្ចាគបន្តទៅឲ្យក្រុមភ្នាក់ងារពន្លត់អគ្គិភ័យក្នុងរដ្ឋ New South Wales និង Brigades Donations Fund។ ជាធម្មតាដំណើរការនេះអាចចំណាយពេលពី២សប្ដាហ៍ទៅ៣ខែ ប៉ុន្តែ PayPal បានជួយពន្លឿនដំណើរការនេះឲ្យបានឆាប់ជាងមុន។ ដោយឡែកកាលឆ្នាំ២០១៧ ហ្វេសប៊ុកបានណែនាំលក្ខណៈពិសេសនៃមុខងារមួយដែលអនុញ្ញាតឲ្យអ្នកប្រើប្រាស់ធ្វើការបង្កើតកម្មវិធីរៃអង្គាសប្រាក់ផ្ទាល់ខ្លួន ដើម្បីជួយដល់ជនរងគ្រោះក្នុងឧបទ្ទវហេតុផ្សេងៗ។
អ្នកប្រើប្រាស់ហ្វេសប៊ុកអាចកំណត់ប្រភេទកម្មវិធីដើម្បីរៃអង្គាសប្រាក់ ដើម្បីជួយបង់ថ្លៃការព្យាបាល និងផ្ដល់ជំនួយដូចជាការសង្គ្រោះបន្ទាន់ឬគ្រោះមហន្តរាយផ្សេងៗ។ គួររម្លឹកផងដែរថា មុខងាររៃអង្គាសប្រាក់នៅលើហ្វេសប៊ុកត្រូវបានបង្កើតឡើងដំបូងនៅឆ្នាំ២០១៥ ហើយរហូតដល់ឆ្នាំ២០១៧មុខងារមួយនេះត្រូវទទួលបានការដុសខាត់បន្ថែម៕