តែខ្លាឃ្មុំ មានតម្លៃថ្លៃបំផុត ៧០,០០០ដុល្លារអាមេរិក ក្នុងមួយគីឡូក្រាម

ភ្នំមួយដែលមានឈ្មោះថា Mengdingshan ដែលស្ថិតនៅភាព ខាងត្បូងឆៀងខាងលិចនៃប្រទេសចិន ក្នុងខេត្ដ Sichuan ត្រូវបានគេទទួលស្គាល់ថា គឺតំបន់ដើមបំផុត នៃវប្បធម៌តែ នៅលើពិភពលោក។

យោងទៅតាមសារព័ត៌មានរបស់សៀងហៃ បានឲ្យដឹងថា សម្រាប់បរិយាកាស ក៏ដូចជាបរិស្ថាននៅលើភ្នំនេះ បានធ្វើឲ្យតែ កាន់តែមានគុណភាពខ្ពស់ ដែលតែទាំងនេះត្រូវបាន ស្ដេចជំនាន់មុននៅក្នុងប្រទេសនេះ បានសោយដូចគ្នា គឺតាំងពីរាជវង្ស Tang ។ នៅក្នុងនេះផងដែរ ក្រុមក្មេងៗដែលមាន ឯកសណ្ឋានជាខ្លាឃ្មុំ បាននាំគ្នា ប្រមូលផលតែ ដែលមានតម្លៃថ្លៃបំផុតទូទាំង ពិភពលោកដែល តែ នេះគេហៅឈ្មោះថា តែខ្លាឃ្មុំ ។ ចំពោះតែខ្លាឃ្មុំនេះ គឺជាប្រភេទតែម្យ៉ាង ដែលមានការលូតលាស់នៅលើដី ដែលមានជីជាតិរួមទាំងមានជាតិផ្សំពីអាចម៍ខ្លាឃ្មុំថែមទៀត។

សម្រាប់តែនេះ គឺមានតម្លៃជាមធ្យមក្នុងមួយគីឡូក្រាមគឺ ៤៤០,០០០យ័ន ឬ ៧០,០០០ ដុល្លារអាមេរិក យោងទៅតាមរបាយការណ៍របស់ភ្នាក់ងារ Xinhua ។ 

តើប្រិយមិត្ដចង់សាកល្បងរសជាតិតែ ដែលមានតម្លៃ ៧០,០០០ដុល្លារអាមេរិក ក្នុងមួយគីឡួក្រាមដែរឬទេ?

កែសម្រួលដោយ ម៉ា

ខ្មែរឡូត