Arsenal និង Man UTD បានដាក់សំណើចរចា យកជើងស៊ុត១រូបរបស់ PSG

បារាំង៖ ក្លិបកាំភ្លើងធំ Arsenal និងក្លិបបិសាចក្រហម Manchester United ត្រូវបានគេរាយការណ៍ថា បានដាក់សំណើចរចាយកខ្សែប្រយុទ្ធកណ្ដាលឆ្នើមរបស់ក្រុម Paris Saint-Germain កីឡាករ Edinson Cavani។

ខ្សែប្រយុទ្ធវ័យ៣២ឆ្នាំ ចូលលេងបាន៤ប្រកួតប៉ុណ្ណោះក្នុងក្របខណ្ឌ League 1 រដូវកាលនេះ ដោយសារជួបបញ្ហារបួសញាំញី។ លើសពីនេះទៅទៀតបច្ចុប្បន្នរូបគេកំពុងប្រឈមនឹងការប្រកួតប្រជែងខ្ពស់ក្នុងការដណ្ដើមកៅអី១១នាក់ដំបូងផងដែរក្រោយការមកដល់របស់កីឡាករ Mauro Icardi។

កុងត្រារបស់ Cavnai ជាមួយនឹងក្រុមជើងឯកលីគកំពូលបារាំងនឹងផុតកំណត់នៅពេលបញ្ចប់រដូវកាលនេះ ខណៈការព្រមព្រៀងបន្តកុងត្រាថ្មីនៅមិនទាន់កើតឡើងនៅឡើយទេ។

យ៉ាងណាមិញ យោងតាមកាសែត El Chiringuito បានឲ្យដឹងថា ក្លិប Atletico Madrid ជាបេក្ខភាពដែលឈានមុខគេក្នុងការចុះកុងត្រាយក ​Cavani ក្រោយក្លិបយក្សអេស្ប៉ាញមួយនេះបានធ្វើការចរចារួចរាល់ជាមួយនឹងជម្រើសជាតិអ៊ុយរ៉ាហ្កាយ និងនាយកផ្នែកអភិវឌ្ឍន៍កីឡារបស់ក្លិប PSG លោក Leonardo។

ប្រភពដដែលបានបន្ថែមទៀតថា Cavani មិនទាន់សម្រេចចិត្តចុះកុងត្រាជាមួយ At.Madrid នៅឡើយទេ ដោយរូបគេកំពុងពិចារណាទៅលើសំណើរបស់ក្រុម Arsenal, Manchester United និង​ Inter Milan។

ទោះជាយ៉ាងណាឆ្លើយតបទៅនឹងព័ត៌មានខាងលើ គ្រូបង្វឹកក្រុម PSG លោក Thomas Tuchel បាននិយាយថា៖

គួររម្លឹកផងដែរថា រយៈពេល៦ឆ្នាំកន្លះកន្លងមកជាមួយ PSG ខ្សែប្រយុទ្ធ Edinson Cavani រកគ្រាប់បាល់បាន១៩៨គ្រាប់ ថែមទាំងរួមចំណែកជួយក្រុមលើកពានលីគកំពូលបារាំងបាន៥ដង៕

ប្រភព៖ metro