តាមពិតម្តាយ យូ ឌីស្កូ មិនធ្លាប់មានជំងឺ អ្វីសោះ តែប្រែជាស្លាប់ ក្រោយមាន..... (មានវីដេអូ)

ភ្នំពេញ៖ ដូចប្រិយមិត្តជាច្រើនបានដឹងហើយថា កាលពីម្សិលមិញនេះតារាសម្តែងប្រុសលោកយូ ឌីស្កូ បានជួបទុក្ខជាទម្ងន់ ក្រោយបានទទួលដំណឹងបាត់បង់ម្តាយជាទីស្រលាញ់ ឃ្លាតទៅចោលលោកគ្មានថ្ងៃត្រលប់វិញ។

មកទល់នឹងពេលនេះពិធីបុណ្យសពម្តាយលោក កំពុងតែរៀបចំទៅតាមប្រពៃណីហើយ ខណៈពេលដែលលោកក៏បានបង្ហើប និងរៀបរាប់រឿងរ៉ាវដែលមិនគួរឲ្យជឿទាក់ទងនឹងការស្លាប់ម្តាយរបស់លោក។ តាមរយៈការសម្ភាសន៍របស់លោក អ៊ឹម ជីវ៉ា​ បានឲ្យដឹងពីស្ថានភាពជំងឺរបស់ម្តាយលោក និងរឿងហេតុដែលធ្វើឲ្យម្តាយលោកលាចាកលោក ស្របពេលដែលមិនទាន់មានអ្នកណាបានដឹង។

ដោយក្នុងនោះ លោកបានធ្វើការរៀបរាប់ថា តាមពិតម្តាយរបស់លោកមិនធ្លាប់មានជំងឺអ្វីពីមុនមកនោះទេ ពោលគឺមានសុខភាពរឹងមាំហូបបាន គេងបានធម្មតា ក៏ប៉ុន្តែមួយរយៈចុងក្រោយត្រឹមតែប៉ុន្មានខែ ម្តាយរបស់លោកមានសភាពធ្លាក់ឈាមមាត់ស្បូន ក៏បានសួរនាំពីស្ត្រីៗដូចគ្នា ក៏សម្រេចទៅមន្ទីរពេទ្យព្យាបាល។

រីឯលទ្ធផលក៏បានចេញមក ថាម្តាយលោកមានជំងឺមហារីកមាត់ស្បូនដំណាក់កាលចុងក្រោយ ស្របពេលដែលសាមីខ្លួនមិនធ្លាប់ដឹងពីមុនមកទេ។ ក្រោយបានធ្វើការព្យាបាលប៉ុន្មានខែ ម្តាយលោកក៏បានលាចាកលោកនេះបាត់ទៅហើយ បន្សល់នូវការសោកស្តាយសម្រាប់កូនៗប៉ុណ្ណោះ៕

ប្រភពវីដេអូ៖សិល្បករកម្ពុជា

សូមទស្សនាវីដេអូខាងក្រោមនេះ៖