អ៊ីរ៉ង់៖ ករណីជាន់គ្នាស្លាប់បានកើតឡើង នៅក្នុងពិធីដង្ហែសពរបស់មេបញ្ជាការយោធាកំពូលរបស់អ៊ីរ៉ង់ លោក Qasem Soleimani ដែលត្រូវបានសម្លាប់នៅក្នុងការវាយប្រហារតាមអាកាសរបស់សហរដ្ឋអាមេរិកដោយយន្តហោះគ្មានមនុស្សបើកកាលពីពេលកន្លងទៅ ដែលជាបញ្ជាដោយផ្ទាល់របស់ប្រធានាធិបតីអាមេរិក លោក ដូណាល់ ត្រាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុការណ៍ដ៏អាក្រក់នេះបានកើតឡើងក្នុងពិធីដង្ហែសាកសពរបស់លោក Soleimani ដែលត្រូវបានបញ្ជូនមកដល់ទីក្រុងកំណើតរបស់គាត់នៅ Kerman ភាគអាគ្នេយ៍នៃប្រទេសអ៊ីរ៉ង់ ដើម្បីធ្វើការបញ្ចុះ ហើយគេឃើញមានមនុស្សយ៉ាងច្រើនកុះករបានតម្រង់ជួរនៅតាមដងផ្លូវព្រមទាំងស្លៀកពាក់ខ្មៅផងដែរ។
យោងតាមប្រភពព័ត៌មានគេជឿថា មានមនុស្សប្រមាណ៣៥នាក់បានស្លាប់ និង៤៨នាក់ផ្សេងទៀត បានរងរបួស កាលពីវេលារសៀលថ្ងៃអង្គារនេះ។
គួរឲ្យដឹងថា ទូរទស្សន៍រដ្ឋអ៊ីរ៉ង់ក៏បានបញ្ជាក់ដែរថាពិតជាមានមនុស្សស្លាប់ក្នុងពិធីដង្ហែសពរបស់លោក Qasem Soleimani មែន៕