អាមេរិក៖ ក្លិប DC United ត្រូវបានរាយការណ៍មកថាបានបើកការចរចាជាមួយក្លិបយក្សអេស្ប៉ាញ Real Madrid ជុំវិញការផ្ទេរកីឡាករខ្សែបម្រើឆ្នើម Luka Modric។ ក្លិបដែលជាសមាជិករបស់លីគកំពូលអាមេរិក DC United បានចាប់អារម្មណ៍មកលើកីឡាករវ័យ ៣០ឆ្នាំរូបនេះក្រោយការចាកចេញរបស់ Wayne Rooney កាលពីខែមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម្ចាស់ពាន Ballon d’Or ឆ្នាំ២០១៨ Luka Modric ក៏ទទួលបានការចាប់អារម្មណ៍ពីក្លិបនៅលីគកំពូលអាមេរិកមួយទៀតដែរគឺ Inter Miami ដែលជាក្លិបរបស់អតីតវីរបុរសក្រុមជម្រើសជាតិអង់គ្លេស David Beckham ខណៈកុងត្រារបស់ខ្សែបម្រើជម្រើសជាតិក្រូអាតរូបនេះនិង Real Madrid នៅមានសុពលភាពរយៈពេលចំនួន ១៨ខែទៀត។
ក្លិប DC United បានជួយពិភាក្សារួចរាល់ហើយហើយជាមួយនិងអ្នកតំណាងរបស់ Modric ហើយជឿថានឹងប្រហែលជាអាចឈានដល់ការផ្ទេរជាផ្លូវការនៅទីផ្សាររដូវក្ដៅ។ ភាគីទាំងសងខាងបានមានទំនាក់ទំនងនឹងគ្នាក្រោយពេលដែល Modric បាននិយាយថាគេចាប់អារម្មណ៍ក្នុងការទទួលនូវអ្វីដែលថ្មី។
គួរឲ្យដឹងដែរថា Luka Modric បានផ្លាស់ពី Spurs មកលេងនៅរដ្ឋធានីរបស់ប្រទេសអេស្ប៉ាញជាមួយ Real Madrid កាលពីរដូវក្ដៅឆ្នាំ២០១២ ក្នុងតម្លៃខ្លួន ៣៥លានអឺរ៉ូ។ គិតមកទល់នឹងបច្ចុប្បន្ន Modric ចូលលេងឲ្យ Real Madrid បាន៣២១ប្រកួត រកគ្រាប់បាល់បាល់២១គ្រាប់ និង Assist បាន៥២ដង៕
ប្រភព៖ DailyMail