ចិន៖ ការប្រឹងប្រែងរៀនសូត្រ វាជារឿងដ៏ល្អប្រសើរមួយ តែបើសិនជាយើងខំរៀនពេក ដោយមិនគិតពីសុខភាព ឬរៀនដល់យប់ជ្រៅពេកនោះ វាមិនមែនជារឿងល្អនោះទេ ព្រោះវាអាចប៉ះពាល់ដល់សុខភាពយើងបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង ក្មេងប្រុសជនជាតិចិនម្នាក់ អាយុ ១៣ ឆ្នាំ ត្រកូល ឆុន រស់នៅទីក្រុង ហេងយ៉ាង ខេត្តហ៊ូណាន មានជំងឺរលាកខួរក្បាលធ្ងន់ធ្ងរទាំងវ័យក្មេង ដោយសារគេងមិនបានគ្រប់គ្រាន់។
យោងតាមសារព័ត៌មាន Sin Chew Daily បានឲ្យដឹងថាដើមហេតុដែលបណ្ដាលឲ្យក្មេងប្រុសខាងលើទទួលរងនូវជំងឺបែបនេះ ដោយសារគេងមិនគ្រប់គ្រាន់ជារៀងរាល់ថ្ងៃ។ ហើយនៅយប់ចុងក្រោយ ក្មេងនេះបានធ្វើកិច្ចការសាលាចំនួន ៨សន្លឹកដោយមិនព្រមសម្រាក និងបន្តធ្វើរហូតដាច់យប់ ដែលជាហេតុបណ្ដាលឲ្យជំងឺរបស់គាត់កាន់តែធ្ងន់ធ្ងរទៅ។ ដោយឪពុករបស់ ឆុន ឃើញសភាពកូនមិនប្រក្រតី ក៏បានបញ្ជូនទៅមន្ទីពេទ្យតែម្ដង។
ក្រោយធ្វើការវិនិច្ឆ័យចប់សព្វគ្រប់ហើយ គ្រូពេទ្យរកឃើញថា ឆុន មានជំងឺរលាកខួរក្បាលធ្ងន់ធ្ងរ។ ជំងឺប្រភេទនេះភាគច្រើនកើតឡើងពេលរាងកាយចុះខ្សោយ ហើយអាការរបស់គាត់មានដូចជា គ្រុនក្តៅ អស់កម្លាំង និងវង្វេងស្មារតី៕