វៀតណាម៖ នាង Tran Vu Van Anh វ័យ២២ឆ្នាំ បានត្រលប់មកផ្ទះវិញជាលើកដំបូង បន្ទាប់ពីវះកាត់កែសម្ផស្ស ដែលធ្វើឲ្យម្ដាយអត់និយាយរកនាងពេញមួយខែ ហើយសូម្បីតែសាច់ញាតិរបស់នាង ក៏មើលនាងលែងស្គាល់ថាជានរណាដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងតាមសម្ដីដែលនាង Tran សរសេររៀបរាប់នៅលើបណ្ដាញសង្គមបានឲ្យដឹងថា នាងតែងតែមានភាពខ្មាសអៀន និងទើសទាល់ក្នុងចិត្ត ដោយសារតែទម្រង់ច្រមុះដ៏ធំ និងរដិបរដុប ហើយខ្វះចង្ការ។ ស្ថិតក្នុងវ័យ១៩ឆ្នាំ នាងមានការងារចំនួន២ ជាអ្នកទទួលភ្ញៀវ និងរត់តុ ដែលធ្វើឲ្យនាងអាចសន្សំប្រាក់បានគ្រប់គ្រាន់សម្រាប់ការវះកាត់កែសម្ផស្សលើកទីមួយរបស់នាង។ ដោយដឹងថា ក្រុមគ្រួសារជាមនុស្សអភិរក្សនិយម និងជំទាស់ នាងមិនបានប្រាប់ពីគម្រោងកែសម្ផស្សឡើយ។ បន្ទាប់ពីការវះកាត់កែទម្រង់ច្រមុះ និងចាក់ចង្ការឲ្យវែងរួចមក នាងបានវះកាត់កែទំហំសុដន់ ត្របកភ្នែកពីរជាន់ និងចាក់បំពេញផ្ទៃមុខឲ្យក្មេងជាងវ័យ។
រយៈពេលបីឆ្នាំកន្លងមកនេះ នាង Tran ពេញចិត្តយ៉ាងខ្លាំងជាមួយនឹងមុខមាត់និងរូបរាងរបស់នាង តែបែរជាក្រុមគ្រួសារមិនពេញចិត្តទៅវិញ។ យ៉ាងណាមិញ ក្រោយពីនាងព្យាយាមនិយាយឲ្យម្ដាយយល់ចិត្តរួចមក គ្រប់យ៉ាងក៏បានត្រលប់ទៅជាប្រសើរវិញ។ ហើយបច្ចុប្បន្ននេះ នាងកំពុងបម្រើការងារនៅក្នុងមជ្ឈមណ្ឌលកែសម្ផស្សមួយផងដែរ៕
សូមទស្សនារូបភាពខាងក្រោម៖