អង់គ្លេស៖ អតីតខ្សែបម្រើការពារក្រុមបិសាចក្រហម Manchester United លោក Paul Ince បានជំរុញឲ្យក្លិបគួរគិតគូលក់ខ្សែបម្រើឆ្នើមសញ្ជាតិបារាំងកីឡាករ Paul Pogba ចេញក្នុងទីផ្សារដោះដូរខែមករានេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្នុងរដូវកាលនេះ Pogba បង្ហាញខ្លួនឲ្យ United បានត្រឹម៨ប្រកួតប៉ុណ្ណោះគិតរាល់កម្មវិធីទាំងអស់ ដោយមូលហេតុចម្បងនៃការអវត្តមានគឺដោសារជួបបញ្ហារបួសក.ជើងញាំញី ហើយកាលពីថ្ងៃព្រហស្បតិ៍សប្ដាហ៍មុន រូបគេក៏បានទទួលការវះកាត់នៅត្រង់ចំណុចរបួសនោះផងដែរ នេះបើយោងតាមសេចក្ដីរាយការណ៍របស់កាសែត The Telegraph។
យ៉ាងណា លោក Paul Ince យល់ឃើញថាជម្រើសជាតិបារាំងរូបនេះហាក់មិនចង់បន្តនៅទឹកដី Old Trafford ដោយលោកបានដាស់តឿនឲ្យក្លិបប្រញាប់ប្រញាល់លក់ខ្សែបម្រើវ័យ២៦ឆ្នាំចេញកាន់តែឆាប់កាន់តែល្អ។
លោក Ince បាននិយាយប្រាប់កាសែត Paddy Power ថា៖
"វាហាក់មានអារម្មណ៍ថាពួកយើងទិញគាត់ (Pogba) ដោយសារគាត់មានការស្រលាញ់ចង់ត្រឡប់មក Man UTD វិញ តែអារម្មណ៍បែបនេះដូចមិនដែរកើតឡើងចំពោះគាត់ទេមែនអត់? ខ្ញុំអាចនិយាយបានថា បច្ចុប្បន្នមើលទៅគាត់សោកស្ដាយដែលសម្រេចចិត្តផ្ទេរមកទីនេះ។ អ្នកអាចមានអារម្មណ៍ដឹងថាគាត់ចង់ចាកចេញទៅកន្លែងផ្សេង ដូច្នេះគួរតែឲ្យគាត់ទៅ។"
គួររម្លឹកផងដែរថា United បានទិញ Pogba ពីក្លិប Juventus ត្រឡប់មកវិញក្នុងឆ្នាំ២០១៦ ជាមួយនឹងតម្លៃបំបែកកំណត់ត្រាប្រចាំក្លិប ១០៥លានអឺរ៉ូ ដោយគិតមកទល់ពេលនេះរូបគេបង្ហាញខ្លួនបាន១៥០ប្រកួត ស៊ុតបញ្ចូលទីបាន៣១គ្រាប់ និង Assist បាន៣១ដង៕
ប្រភព៖ allfootballapp
Bong I.T