បរទេស៖ មុនទសវត្សរ៍ឆ្នាំ២០៣០មកដល់ អង្គការណាសាបានប្ដេជ្ញាចិត្តថានឹងបញ្ជូនមនុស្សទៅកាន់ភពអង្គារឲ្យបាន។ ការធ្វើដំណើរទៅកាន់ភពអង្គារអាចប្រើរយៈពេលរវាង៣ខែទៅ៦ខែ ប៉ុន្តែអវកាសយានិកត្រូវរង់ចាំនៅលើភពក្រហមមួយនេះរហូតដល់ទៅ២ឆ្នាំ ទើបអាចត្រឡប់មកកាន់ផែនដីវិញ ដោយសារពួកគេត្រូវរង់ចាំពេលដែលផែនដីនិងភពអង្គារធ្វើដំណើរមកជិតគ្នាវិញ។ វាមានន័យថាអវកាសយានិកទាំងនោះត្រូវរស់នៅតំបន់ដែលគ្មានទំនាញរហូតដល់ជិត៣ឆ្នាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអំឡុងពេលធ្វើដំណើរក្នុងទីអវកាស អ្នកវិទ្យាសាស្ត្រនឹងធ្វើការយ៉ាងសកម្មដើម្បីរកវិធីដោះស្រាយបញ្ហាកម្លាំងទំនាញ។ ដូចនេះ តើខួរក្បាលរបស់មនុស្សអាចនឹងទប់ទល់នឹងតំបន់ដែលមានទំនាញតិចតួចបានយ៉ាងដូចម្ដេចទៅ? បើនិយាយឲ្យខ្លី ព័ត៌មានដែលទាក់ទងនឹងបញ្ហាមួយនេះគឺមានកំណត់នៅឡើយ។ វាពិតជាគួរឲ្យភ្ញាក់ផ្អើលណាស់ នៅពេលស្ថិតក្នុងតំបន់គ្មានទំនាញ មុខរបស់អវកាសយានិកនឹងប្រែជាក្រហមនិងហើម។ ទាំងនេះដោយសារសារធាតុរាវដូចជាឈាម(កោសិកានិងប្លាស្មា)និងទឹកខួរឆ្អឹងខ្នងបានច្រាល់ឡើងទៅក្បាល ហើយវានឹងធ្វើឲ្យមុខមានអាការហើមនិងជើងរួមតូច។
ផ្នែកមួយចំនួននៃខួរក្បាលនឹងទទួលយកឈាមច្រើន ដោយសារនីទ្រីកអុកស៊ីដ(ម៉ូលេគុលមើលមិនឃើញ)នឹងអណ្ដែតជុំវិញចរន្តឈាម ហើយនេះបានធ្វើឲ្យសរសៃឈាមក្រហមផ្គត់ផ្គង់ទៅកាន់ខួរក្បាលកាន់តែច្រើន។ ឥឡូវនេះក្រុមអ្នកស្រាវជ្រាវកំពុងរៀបចំផែនការដើម្បីសិក្សាឲ្យកាន់តែស៊ីជម្រៅនៃការផ្លាស់ប្ដូរឈាមនិងនិងវត្ថុរាវទៅកាន់ខួរក្បាលដោយប្រើបច្ចេកទេសថតរូបភាពដើម្បីបញ្ជាក់ពីការរកឃើញ៕