អ៊ីតាលី៖ ក្នុងការប្រកួតសប្ដាហ៍ទី១៨ ក្របខណ្ឌលីគកំពូលអ៊ីតាលី Serie A កាលពីយប់មិញ Inter Milan បានយកឈ្នះក្រុមម្ចាស់ផ្ទះ Napoli ដោយលទ្ធផល ១ទល់នឹង៣ ក្រោមក្រសែភ្នែកអ្នកគាំទ្រចូលរួមទស្សនាផ្ទាល់ ៣ម៉ឺននាក់នៅកីឡដ្ឋាន Stadio San Paolo។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សInter Milan បានបើកការនាំមុខមុនទៅលើ Napoli ដោយការស៊ុតរបស់ខ្សែប្រយុទ្ធប៊ែលហ្សិក Romelu Lukaku នៅនាទីទី១៤។ ចូលដល់នាទីទី៣៣ Lukaku បានបន្ថែមមួយគ្រាប់ទៀតដោយការស៊ុតជើងឆ្វេងចូលប្រឡោះជើងខ្សែការពារ និងអ្នកចាំទីរបស់ Napoli បញ្ចូលទីយ៉ាងល្អ។ ៦នាទីបន្ទាប់ពោលគឺនៅនាទីទី៣៩ Napoli បានតាមពីក្រោយ ១គ្រាប់វិញ ដោយធ្វើបានសម្រេចដោយ Arek Milik។ ចប់វគ្គទី១ Napoli ត្រូវ Inter នាំមុខ ១-២។
ឈានចូលដល់វគ្គទី២ ខ្សែប្រយុទ្ធដែលកំពុងទទួលបានការចាប់អារម្មណ៍ពីសំណាក់បណ្ដាក្លិបធំៗនៅអឺរ៉ុបកីឡាករ Lautaro Martinez បានស៊ុតបន្ថែម១គ្រាប់ទៀតឲ្យ Inter Milan នាំមុខ Napoli ១-៣ ហើយលទ្ធផលនេះបានបន្តរហូតដល់ចប់ការប្រកួត។
ក្រោយបាន៣ពិន្ទុពីការយកឈ្នះ Napoli ក្រុមរបស់លោក Antoino Conte បន្តឈរនៅកំពូលតារាង ដោយស្មើពិន្ទុគ្នាជាមួយ Juventus ដែលយកឈ្នះ Cagliari ៤-០ យប់មិញ។ លេង១៨ប្រកួត ឈ្នះ១៤ ស្មើ៣ និងចាញ់១ ដូចគ្នាប៉ុន្តែ Inter Milan ឈរនៅ Juventus ដោយសារតែគ្រាប់បាល់ចំណេញ៕