Chelsea មានភាគរយខ្ពស់ក្នុងការផ្ទេរយកខ្សែប្រយុទ្ធស្លាប១រូបនៅ Prermier League

//s5.kh1.co/18/18460678654e2964b3a892459bfee0d197fa36af.jpg
កីទ្បា

 ០៦-មករា-២០២០ ៤ល្ងាច · ៤ ឆ្នាំមុន

Chelsea ភាគរយខ្ពស់យកបាន Zaha

អង់គ្លេស៖ ក្រុមតោខៀវ Chelsea ត្រូវបានគេរាយការណ៍ថា បានខិតជិតក្នុងការសម្រេចកិច្ចព្រមព្រៀងផ្ទេរយកខ្សែបម្រើស្លាបឆ្នើមរបស់ក្លិប Crystal Palace កីឡាករ Wilfried Zaha

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Zaha បានក្លាយជាគោលដៅសំខាន់របស់ក្រុម Chelsea បន្ទាប់ពីរូបគេបង្ហាញទម្រង់លេងបានយ៉ាងល្អក្នុងតំបន់ប្រយុទ្ធក្រុម Crystal Palace ពោល២៣ប្រកួតកន្លងទៅក្នុងរដូវកាលនេះ រូបគេចូលរួមចំណែករកគ្រាប់បាល់ឲ្យក្រុមបាន៦គ្រាប់។

  កីឡាករ Wilfried Zaha
  កីឡាករ Wilfried Zaha

យ៉ាងណា យោងតាមការចុះផ្សាយរបស់កាសែត Fox Sports បានឲ្យដឹងថា Chelsea ជាបេក្ខភាពដែលឈានមុខគេក្នុងការតាមទិញខ្សែបម្រើស្លាបវ័យ២៧ឆ្នាំរូបនេះ ដោយសារភ្នាក់ងារថ្មីរបស់ Zaha លោក Pini Zahavi មានទំនាក់ទំនងជិតស្និទ្ធជាមួយនឹងម្ចាស់ក្លិបក្រុមតោខៀវលោក Roman Abramovich។​

  កីឡាករ Wilfried Zaha
  កីឡាករ Wilfried Zaha

ប្រភពដដែលបានបន្ថែមទៀតថា Crystal បានដាក់តម្លៃខ្លួនជម្រើសជាតិកូតឌីវ័ររូបនេះ ក្នុងតម្លៃ៨០លានផោន (ឬប្រមាណ១០៤លានដុល្លារអាមេរិក)។ ដូច្នេះមានន័យថា Chelsea ទំនងត្រូវចំណាយទឹកប្រាក់បំបែកកំណត់ត្រាប្រចាំក្លិប បើចង់នាំយក Zaha ចេញពីកីឡដ្ឋាន Selhurst Park ដោយក្រុមនៅភាគខាងលិចទីក្រុងឡុងដ៍មួយនេះធ្លាប់ចំណាយលុយច្រើនបំផុតត្រឹម ៧១លានផោន ទិញអ្នកចាំទី Kepa កាលពីឆ្នាំមុន។

អ្នកចាំទី Kepa
អ្នកចាំទី Kepa

គួររម្លឹកផងដែរថា Zaha ជាអតីតកីឡាកររបស់ក្រុមបិសាចក្រហម Manchester United ដោយបានផ្ទេរមកចូលរួមជាមួយនឹងក្រុម Crystal Palace កាលពីឆ្នាំ២០១៥ ដោយបង្ហាញខ្លួនសរុបបានចំនួន ៣៤៥ប្រកួត ស៊ុតបញ្ចូលទីបាន ៥៦គ្រាប់៕

ប្រភពlegit

Thy Pagnarith
P.R

អត្ថបទទាក់ទង

//s9.kh1.co/f5/f5fc5bb0c90dd856539266657aca63fe99cacb3d.jpg

ផ្ទុះការភ្ញាក់ផ្អើលខ្លាំងរឿងតម្លៃខ្លួនផេតដាំ និងឈូចារើន មកវា..យនៅកម្ពុជាបានខ្ទង់ម៉ឺនដុល្លារ ចុះមានដឹងអត់នៅស្រុកថៃវិញអ្នកទាំងពីរបានតម្លៃខ្លួនប៉ុន្មាន

 ២៨-មីនា-២០២៤ 
 ៥ល្ងាច · មួយថ្ងៃមុន
រក្សាសិទ្ធិ Mediaload
Powered by Bong I.T Bong I.T