មើលមួយភ្លែតស្មានថា Oppa មកពីកូរ៉េ តាមពិតលោកនីកូសោះ

ភ្នំពេញ៖ អ្នកណាថាមិនស្គាល់កម្លោះសង្ហា លោក នីកូ ដែលលោកគឺជាតារាចម្រៀងមានភាពល្បីល្បាញ ហើយមានហ្វេនៗជាច្រើនដែលគាំទ្រលោកមិនថាពេលចូលសិល្បៈដំបូង និងពេលបច្ចុប្បន្ននេះ នៅតែមានហ្វេនច្រើនដដែល ។ មិនត្រឹមតែចេះច្រៀង តែមួយមុខឡើយ លោកក៏មានគំនិតក្នុងការច្នៃសម្លៀកបំពាក់បានផងដែរ ។

យ៉ាងណាមិញ បើទោះបីលោកចូលសិល្បៈបានយូរយ៉ាងណាក៏ដោយ ក៏សម្រស់របស់លោកនៅតែមានភាពស្រស់ស្អាត ហើយនៅតែសង្ហា ក្មេងដែល មិនឲ្យចាញ់ក្មេងៗជំនាន់ក្រោយប៉ុន្មានឡើយ ។ ដោយលោក ជាតារាចម្រៀងម្នាក់ ដែលគេសង្កេតឃើញលោក មានភាពច្នៃប្រឌិតខ្ពស់ ទាំងម៉ូតសក់ និងការតែងខ្លួនជាដើម​គឺ លោកមិនធ្វើឲ្យហ្វេនរបស់លោកផ្ទាល់ មើលទៅមានភាពដដែលៗ ។

ក្នុងនោះដែរ អ្វីដែលសំខាន់ មួយរយៈចុងក្រោយនេះ យើងសង្កេតឃើញថា លោកមានការតុបតែងខ្លួនស្រដៀង ទៅនឹងតារាកូរ៉េ ដែលលោក ចេះតុបតែងខ្លួនមិនឲ្យចាញ់តារាកូរ៉េឡើយ ។ លោក នីកូ ជាតារាចម្រៀង ដែលមើលទៅមិនចេះធុញទ្រាន់រាល់សកម្មភាពរបស់លោក ដោយសារលោកមានភាពច្នៃប្រឌិតទៅតាមសម័យកាលបច្ចុប្បន្ន ៕

សូមទស្សនារូបភាពខាងក្រោម៖