បាត់មុខយូរ ប៉ែន សុផានី ឡើងជំទាវ ហើយឡើងផ្ទះថ្មី ជិត២០ម៉ឺនដុល្លារទៀត!

ភ្នំពេញ៖ ជឿជាក់ថា ប្រិយមិត្តជាច្រើនប្រាកដជា បានស្គាល់យ៉ាងច្បាស់ ពីអ្នកនាង ប៉ែន សុផានី ដែលជាតារាសម្ដែងស្រី ជើងចាស់មួយរូប ព្រមទាំងបានកសាងកេរ្តិ៍ឈ្មោះ ក្នុងវិស័យសិល្បៈបានយូរយារណាស់មកហើយ។

យ៉ាងណាមិញ មួយរយៈក្រោយនេះ បានបាត់មុខ អ្នកស្រី ប៉ែន សុផានី ពីរង្វង់សិល្បៈឈឹងតែម្ដង ធ្វើឲ្យហ្វេនៗមានការនឹកនាជាខ្លាំង។

ដោយឡែក បន្ទាប់ពីបាត់មុខមួយរយៈ ស្រាប់តែបានបែកធ្លាយមកថា តារាសម្ដែងរូបនេះ បានប្ដូរឈ្មោះ មាននាមជាជំទាវ ព្រមទាំងមានជីវភាពកាក់កបខ្លាំងណាស់ ទើបតែធ្វើពិធីឡើងគេហដ្ឋានថ្មី យ៉ាងធំស្កឹមស្កៃ តម្លៃជិត២០ម៉ឺនដុល្លារឯណោះ។

ជាមួយគ្នានេះដែរ ពិធីឡើងគេហដ្ឋានរបស់ ប៉ែន សុផានី ប្រព្រឹត្តទៅយ៉ាងឱឡារិក កាលពីយប់មិញ ហើយតារាស្រីជើងចាស់រូបនោះ ប្រកបដោយទឹកមុខសប្បាយរីករាយ ញញឹមបិទមាត់មិនជិត ស្របពេលដែលបានទាំងផ្ទះថ្មី និងងារជាជំទាវបែបនេះ៕