ម៉ាឡេស៊ី៖ រឿងហួសចិត្តមួយបានកើតឡើងនៅក្នុងហាងកាត់សក់មួយ នៅម៉ោងប្រហែល ៨ យប់ខណៈជាងកាត់សក់ពីនាក់កំពុងអង្គុយចាំភ្ញៀវចូលមកកាត់សក់ ក៏ស្រាប់តែមានជ្រូកព្រៃរត់មកពីណាក៏មិនដឹងបានបោលចូលហាងរបស់ពួកគេតាមទ្វារខាងមុខ ហើយបានបង្កឲ្យមានការភ្ញាក់ផ្អើលមួយរំពេចតែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហេតុការណ៍ខាងលើ ត្រូវបានថតដោយកាមេរ៉ាសុវត្តិភាពនៅក្នុងហាងមួយឈ្មោះថា BaBi-Shop ដែលបានបង្ហាញពីសកម្មភាពជាងកាត់សក់ពីនាក់រត់ចែកជើងគ្នាចេញទៅខាងក្រៅហាង ដោយសារមានជ្រូកព្រៃមួយក្បាល បានរត់ចូលខាងក្នុង ។
ហើយបន្ទាប់ពីជ្រូកនោះ បានចូលទៅក្នុងហើយ វាក៏ព្យាយាមរកផ្លូវចេញដែរ តែចេញមិនរួច ហើយមួយសន្ទុះក្រោយមក វាក៏សម្រេចចិត្តបោលបំបុកទ្វារចេញវិញតែម្ដង។
ក្រោយវីដេអូខាងលើបានបង្ហោះចូលក្នុងបណ្ដាញសង្គម ក៏មានអ្នកប្រើប្រាស់បណ្ដាញសង្គមជាច្រើនបានទស្សនា និងបញ្ចេញមតិបែបលេងសើចផ្សេងៗគ្នាលើហេតុការណ៍កម្រនេះផងដែរ៕
មានវីដេអូខាងក្រោម៖